287. (13.) De sancta Maria Magdalena.

1. Universae vota gentis
Grloriosae paenitentis
Celebrent praeconia.

2 a. Magdalena gravi poena
Se castigat, ut configat
Carnis desideria.

2 b. Non desperat de salute,
Sed accingit se virtute
Caelestique gratia.

3 a. Pietatis adit fontem

Ac virtutum tangit montem
Tendens ad caelestia.

3 b. Illa currit et currunt lacrimae,
Adflictaeque singultus animae
Morbi sunt indicia.

4 a. Mens in fletum tota fluit,
Nuncest, quodiam dudum fuit,
Facta prorsus alia.

4 b. Arte summi medici
Fit coloris unici
Pellis pardi varia.

5 a. Non est memor pharisaeus
Suae leprac, de qua Deus
Miserum curaverat.

5 b. Paenitentis ad ingressus
Damnat illam et excessus
Veteres improperat.

6 a. Exactoris iugum fregit,
Vicit mundum et elegit
Sibi partem optimam ;

6 b. Lavans, ungens et capillis
Tergens [pedes] plus in illis
Suam lavit animam.

7 a. Sic accedit Cbristi donis
Raab atque Babylonis
Beata conversio,

7 b. Contemptus in gratiam,
In laudem et gloriam
Versa est confusio.

8 a. O dulcedo mentis piae !
Amor, fides, spes Mariae
Lazarum resuscitat.

8 b. Esse credit hortulanum
Salvatorem, nec in vanum,
Nam in hortis habitat.

9 a. In futuro profuturam
Circa Christi sepulturam
Impertitur omnem curam,
Ut dilecto serviat.

9 b. Ut effulsit lux divina
Vi coruscans repentina
Quasi stella matutina,
Verum solem nuntiat.

10 a. Iucundata visione

Resurgentis et sermone
Praeceptoris iussione
Redit ad discipulos.

10 b. His infundit verbi rivos
Fide firmans semivivos
Colligitque primitivos
Fidei manipulos.

11a. Omnes ergo voto pari
Hoc utamur exemplari
Et affectu singulari
Studeamus imitari
Mariae vestigia.

11b. Simus Martha per laborem
Et Maria per amorem,
Ut cum eis salvatorem
Contemplemur et decorem
Regnantis in gloria.