Neocastren. 299

alia muliere, cum qua fere viginti tribus annis degit . Serius

ipsi, id est die 8 Martii 1905, propriae conscientiae consu-

lere cupientes, supplicem obtulerunt SSmo libellum, dispen-

sationem a matrimonio rato expostulantes.

Precibus exceptis, Episcopo Neocastrensi a S. C. Concilii

rescriptum est pro informatione et voto ; postea vero eidem

mandatum est ut processum tam super non secuta matrimonii

consummatione quam super causis dispensationis, servata

forma Const. Benedicti X I V Dei miseratione et Instr. S. C.

a. 1840 ( i ) conficeret. Peracto proinde in Curia processu,

quin tamen vinculi Defensor deputatus fuerit, causa oecono-

mice (2) proposita fuit iudicio S. C. C, una simul cum Con-

sultoris voto atque animadversionibus Defensoris vinculi.

Votum Consultoris. Electus vir praemittit gravi vitio

totam inquisitionem iudicialem laborare quum tribunal matri-

moniale non fuerit legitime constitutum. Licet enim Episco-

pus asserat se omnia explevisse, prout sibi praescriptum fue-

rat iuxta Const, Dei miseratione, omisit deputare Defensorem

sacri vinculi, cuius operam Benedictus X I V in eadem, Con-

stitutione sub poena nullitatis expostulat. Verum quidem est

in casu non disceptari causam super validitate vel nullitate

matrimonii, uti loquitur S. Pontifex ; ideoque ex stricto prae-

scripto dictae Constitutionis deputatio Defensoris non requi-

ritur. At tamen Episcopus debuerat servare formam suae de-

legationis, in qua de stylo Curiae praescribebatur observan-

tia Benedictinae Constitutionis. Qua observantia neglecta,

tota inquisitio iudicialis vitio nullitatis tabescit. Iamvero non

desunt exempla sanationis ex . gr . in una Matriten, diei

2 Maii 1896 ; et in casu videtur non deesse ratio, cur S. Con-

g rega t io benigne concedat gratiam sanationis actorum, ut ad

(1) Cfr. Acta S. Sedis, vol. i, pag. 439, necnon vol. 4, pag, 346. (2) Causa oeconomice tractari dicitur, quum absque advocatorum defen-

sionibus agitatur ex officio; cuiusmodi sunt quaestiones, quae per summaria precum vel quandoque, uti praesens, etiam infolio proponuntur (W. R.).