300 SEÑEN.

rschalem Communionem ipsius Instituti alumnis, tam ma- sculis quam feminis. Quae res, ait Parochus, manifestum facit Instituti rectorem iura parochialia super alumnis exer- cere non posse, sed ea sibi reservata esse.

Hoc suum assertum confirmat epistola tum oeconomi spi- ritualis Ecclesiae s. Augustini, qui a Parocho ss. mm. Quirici et Iulittae veniam petiit, ut cadaver medici Perrazzi, qui in Istituto decesserat ad paroeciam s. Augustini, ad quam pertinebat, transferretur, tum ipsius P. Pendola, qui ob veniam a praefato Parocho indultam gratias egit.

Sed hisce omnibus sepositis, Parochus sustinet Instituti alumnos suae iurisdictioni subditos esse, quia ii de domo et familia dici nequeant. In cuius rei confirmationem duas reso- lutiones adducit S. Congregationis Episc, et Regul. alteram diei 21 Iunii 1848 praecipientem decretum esse reforman- dum, quo Episcopus Parmensis praescripserat ad Clericos re- gulares s. Pauli ius pertinere Sacramenta Poenitentiae, Eu- charistiae et extremae Unctionis ministrandi suis alumnis •convictoribus absque ulla licentia Parochi s. Sepulchri, iii cuius territorio situs erat praedictorum Regularium con- ventus. Alteram vero diei 21 Iulii eiusdem anni, qua sta- tutum est, ut iura Parochi casu mortis salva remaneant.

Quin regerere valeat dispositionem Conc. Tridentini sta- tuentis sub Regularium iurisdictione esse famidos actu servientes et inter septa monasterii viventes, ut ex hac dis- positione deducatur a fortiori Instituti Rectoris iurisdictioni alumnos subiici debere, qui in eodem Instituto degunt. Quandoquidem Parochus observat citatam dispositionem in nullo pretio habendam esse, ex eo quod Conc. Tridentinum de alumnis inter monasteriorum septa viventibus sermonem instituere haud poterat, cum huiusmodi Collegia tunc tem- poris non existèrent.

Tandem Parochus animadvertit fel. rec. Pium IX, sub die '3 Septembris anni 1864, Congregationi s. Sulpicii nec non Sodalitio s. Spiritus in Gallia existentibus exemptionem indui- sisse. Ex quo inferre arbitratur pueros ac puellas, instructio-