300 EX S. G. CONCILII

probe noverant, ceu actor affirmat. Haecque omnia testes de- cem formiter auditi testantur, quos inter Elisabeth L. ostiaria domus quam familia V. habitabat: « optime quidem, sic enim asseruit, perspectas habebam relationes Iosephi B. cum Ber- tha V. ante matrimonii celebrationem, has enim mihi ipsa revelavit ». Et Margarita F., Berthae amica de visu testifi- cat : « Intimas illas quas cum Bertha V. relationes tenebat Iosephus B. meis oculis novi. Maritaliter vitam degebant, illos enim in diversorium sum comitata, cumque simul ibi- que eodemque cubiculo noctem transegissem, dum lectulum mihi seorsum paratur, uno eodemque usi sunt ipsi toro ».

Consonat denique Felix M. conterraneus et ab infantia amicus actoris, qui iuramento deposuit : « se quodam mane in diversorium amicum invisisse, et cubiculum ingrediens, non illum tantum sed quamdam foeminam simul reperisse, partim et imperfecte vestitam ». Serius autem mulierem illam Bertham V. nominari didicit testis.

Coeteri testes pariter concubinàriam cohabitationem ad brevius vel longius tempus omni securitate affirmant, item- que ponunt dictam cohabitationem tum genitrici tum sorori Berthae probe notam fuisse.

Igitur dubitari nequit iuxta Consultores de existentia im- pedimenti affinitatis ex copula illicita inter Iosephum B. et Blancam V. ante eorum coniugium.

II. Insuper pari certitudine constat, iuxta eximios Con- sultores, notorium hoc fuisse impedimentum.

Benedictus XIV fuse loquitur de publico et occulto in notificatione XX (Notificazioni, parte IV), innixus praeser- tim auctoritate DD. qui munus aliquod exercuerunt in Tri- bunali S. Poenitentiariae.

Quamvis, hi DD. ad distinguendum occultum a publi- co normam sumant ex numero personarum quibus impedi- mentum notum sit (Syrus, Dilucidatio facultatum Maior. Poenit. Romae 1699 p. II, cap. 2, pag. 275; - Mar- cus Paulus Leo, Praxis ad Literas M. Poen. - Mediola- ni 1665 p. Il, De occultis), tamen etiam hi, atque alii, qui