QUAESTIO CXCI II.

Qualiter comprehendat in se omnes benedictiones simul ?

Post haec sequitur de omnibus benedictionibus simul : Non est Deus alius ut Deus reclissimi: ascensor coeli auxi-liator fraus. Magnificentia ejus discurrunt nubes, habitaculum ejus sursum, ei subter brachia sempiterna, Ejicie-

a facie tua inimicum, dicetque : Conterere, Habitabit Israel confidenter, et solus. Oculus Jacob in terra frumenti ei vini, caelique caligabunt rore. Beatus es tu, Israel? Quis similis tuis, popule, qui salvaris in Domino ? Scutum auxilii tui, et gladius gloriae tuae, Negabunt te inimici tui, ei tu colla eorum calcabis . Ista benedictio novem comprehendit. Primum est veri Dei cognitio in via, et hoc ibi, Non est alius Deus ut Deus reciissimi. Secundum est auxiliatio in via, et hoc ibi, Ascensor coeli auxiliator tuus. Et haec auxiliatio est quadruplex. Apostolis Spiritum sanctum in terra mittendo, et hoc est : Magnificentia ejus discurrunt nubes. Item, ipse pro nobis in caelis interpellando Patrem, et hoc est : Habitaculum ejus sursum. Unde Glossa : " Corpus a mortuis suscitavit, et in dextera Patris collocavit. " Item, gratiam praevenientem et cooperantem porrigendo, et hoc est : Subter brachia sempiterna. Item, hostem impedientem repellendo, et hoc est : Ejiciet a facie tua inimicum, dicetque : Conterere. Hoc est ergo quadruplex auxilium. Tertium est timoris mali ablatio, et hoc est: Habitabit Israel confidenter. Quartum est cum securitate boni possessio, et hoc est : Oculus Jacob in terra frumenti et vini, Quintum est perfecta Dei cognitio per speciem : et hoc est : Caeli caligabunt . rore : unde Glossa : " Subtili et levissima Dei cognitione. " Sextum est summae beatitudinis comprehensio, et hoc est : Beatus es tu, Israel. Septimum est omnis creaturae praelatio, et hoc est : Quis similis tui ? Octavum est divina auxiliatio, et hoc est : Scutum auxilii tui. Et haec auxiliatio est duplex, contra malum, et sic est scutum auxilii tui: vel ad bonum operandum, et sic est gladius gloriae tuae. Nonum est hostium subjectio, et haec est duplex. Una, quod nos puniendo modo, nobis faciunt coronas in futuro, et hoc est : Negabunt te inimicitui. G lossa: "In praesenti vita. " Alia subjectio est : quia de eorum poena in futuro nobis erit exsultatio, et hoc est : Tu colla eorum calcabis.

Sufficientia hujus benedictionis est haec : Benedictio vel est pertinens ad statum viae, in quo duo tantum sunt necessaria auxilia. Unum est verum Deum agnoscere, et hoc est primum, Secundum est auxilium per quod possumus ad ipsum ad aeternam beatitudinem ascendere, et hoc est secundum. Si autem pertinet ad statum patriae, vel hoc est quantum ad substantiale praemium, vel accidentale. Si substantiale, vel in se, et hoc est vel a malo, et sic est mali timoris ablatio : vel in bono, et hoc, vel in se, vel respective. Si in se, vel quantum ad praemium concupiscibilis, et sic est saturitatis possessio : vel quantum ad praemium rationalis, et sic est perfecta Dei cognitio : vel ad praemium irascibilis, et sic est beatitudinis comprehensio. Si autem est ad bonum respective, sic est creaturae praelatio. Si autem sit in comparatione ad causam efficientem, sic est divina auxiliatio. Si autem pertinet ad praemium accidentale, sic est hostium subjectio, In qua duplex habemus gaudium, de nostra in praesenti passione, et de illorum in futuro condemnatione.

Haec autem omnia beatissima Virgo possedit in summo : ipsa enim super omnem creaturam Deum cognoscit. Item, ipsa nobilissimo auxilio, utpote deliciis affluens, innixa super dilectum, Ad coelos corpore et anima ascendit. Item, ipsa immunissima timoris mali sub umbra dilecti requiescit. Item, ipsa a torrente voluptatis super omnes inebriata fuit. Item, perfectissimam divinitatis et humanitatis Christi cognitionem in summo habuit. Item, supremam post Deum benedictionem apprehendit. Item, super omnes purarum creaturarum ordines, utputa superior exaltata fuit. Item, divinum auxilium super omnes habuit, cum quo maxima et excellentia opera fecit. Item, inimicum non tantum in coelo, sed etiam in terra conculcavit.

Sic igitur patet qualiter benedicta Virgo

benedictiones singulorum singulariter, et universorum universaliter, singulas et universas possedit in summo.