Dispensationis ab irregularitate 301

sacrificio peragendo iuxta cap. 2, de Cleric. aegrotan., ubi legitur: nec secure propter debilitatem nec sine scandalo pro- pter deformitatem membri hoc peri posse confidimus.

Multis autem commemoratis similibus exemplis, in quibus S. Congregatio pro variis rerum adiunctis modo denegavit dispensationem, modo concessit, est animadversum pro gratia concedenda militare in themate extremam oratoris pauperta- tem et ipsam irregularitatem absque eius culpa contractam : eo magis quod impedimenta tum deformitatis tum debilitatis per manum arte confectam fere superata essent : maxime vero si hora in ecclesia minus frequentata celebraret: ex benignitate autem SS. Canonum non esse afflictionem addendam afflicto, quod contingeret si gratiae solatium oratori denegaretur.

Ad cetera vero de patrimonio deque illegitima sacra ordi- natione est animadversum, nulla lege cautum esse, ut bona constituentia sacrum patrimonium sita sint in. dioecesi Ordi- narii ceu eruitur ex S. C. in Lauretana, 6 decembris 1 7 4 9 : propositis enim dubiis :

I. « An patrimonia sacra assignata sive constituta per pro- « motos ad sacros ordines in bonis sitis in aliena dioecesi « sustineantur in casu.

II. « An patrimonia sacra assignata per promotos ad sacros « ordines in bonis existentibus in aliena dioecesi sustineantur, < quando tempore ordinationis promoti possidebant bona in « propria dioecesi in casu » :

Responsum fuit : affirmative ad utrumque, et amplius. Ad illegitimam oratoris ordinationem quod attinet, negari

haud posse videri fuisse neglectas Apostolicas Constitutiones : verumtamen habita ratione bonae fidei, cum orator ita faciens nonnisi Superiorum iussa fuerit exsecutus, atque habita ratione commendationis Episcopi, pro concedenda hac quoque gratia concludebatur.

RESCRIPTUM. Propositis atque expensis oratoris precibus in S. Congregatione Concilii die 24 februarii 1872 Rescriptum prodiit: Prout exponitur non expedire.