NOLANA 301

tam reperiri, quod certe non evenisset, iuxta Capitulum, si de coacta praestatione ageretur. Oblationem vero, contra ea quae retulit Antistes, non a canonicis simul apud Epi- scopum convenientibus, sed a camerario persolvi consuevisse ipse administator mensae episcopalis profitetur.

Ulterius quoad tempus quod fluxit ab anno 1803 ad an- num 1823 in quo canonici ab annua oblatione praestanda abstinuerunt, animadvertit Capitulum, verbum rilasciata qua- tuor tantum vicibus fuisse in libro adnotatum; in reliquis vero haec scripta inveniri: haud ponitur in exitu huius anni oblatio Episcopi, Vicarii etc. atque ibi xenia ceteris dari solita deficere. Abolitionis autem causam assignat vel Regis decreta 21 Februarii 1740 et 26 Iulii 1779 art. 20 nn. 2, 3, in quibus vetitum Episcopis fuisse asseritur exi- gere a capitularibus xenia aut alias praestationes tempore Nativitatis Domini, vel art. IX De Avaritia pag. 79 Sy- nodi quae postrema fuit Dioecesis nolanae, ubi Episcopus Tarrusio decernebat: « coactas praestationes, quae in obse- quium Sedis Episcopalis fieri solebant in Natali et Paschate Resurrectionis D. N. I. Ch. sicut a principio huius nostri praesulatus abolitas declaramus, ita in praesentiarum con- firmamus. » Neque obstare autumant quod paulo post syno- dum, iterum praestatio soluta est. Namque id factum fuisse opinantur, vel quia capitulum habuit oblationem doni instar, omnino spontanei et ideo legi dioecesanae non subiectum, aut quia capitulum et Episcopus certarunt in violatione legis.

Verum potius tenendum, Episcopum synodi legislatorem res ad iuris communis tramites reducere voluisse. Idcirco memorant huiusmodi oblationes, quae novum onus beneficiis imponerent, nedum generatim reprobari lib. 3 tit. 12. De- cretalium, sed expresse a Pignatelli tom. 9 Consult. 144. Ursaya Inst. lib. 2 tit. 2 n. 46. ubi afferri dicunt decre- tum quoddam S. C. E E . et R R . « quod Episcopus non de- beat nec possit recipere dona seu munera a suo clero. » Cete- rum notum est, Benedictum XIII in Concilio Romano Cap. 4.