298. De sancto Nicolao.

1. Caelica siderei
Nobilis aula Dei
Subdita psallat ei,

2 a. Cuius vir pontifex

verus et presbyter

2 b. Praebens aethereum
Nicolaus iter
Coronam meruit
habere taliter.

3 a. Hoc namque mundo misero
Mundo manente puero
Hic purus ab infantia,

3 b. Iacet adhuc cunabulo
Valde mirante populo
Magna promens iaiunia.

4 a. Hic deprecatus
Mox miseratus
Non est dedignatus

4 b. Fluctibus altis
Cautus incautis
Subvenire nautis.

5 a. Genitor virginum,
Cessisse criminum
Aetate tenera

5 b. Per hunc dic dominum,
A patre luminum
Haec missa munera.

6 a. O mira Domini pietas
Mirandaque
viri sanctitas,

6 b. Cuius tumba non arborea,
Marmorea
Deflet oleum!

7 a. Iste tres litteratos,
Ab hospite necatos,
A morte revocatos
Ad vitam dedicavit.

7 b. Hunc Deus inspiravit,
In mundo decoravit,
Ita mirificavit,
Sic beatificavit.

8 a. Scolaris contio,
concine ;
Sacerdos
dignus est carmine,

8 b. Cuius precatibus,
Domine,
Rogamus,

ut nos a crimine

9. Liberes.