299. De s. Nicolao Lincopensi.

1 a. Sanctitatis zelatorem,

Pium patrem et pastorem,
Nicolaum confessorem
Decet laus ecclesiae.

1b. Tus Sabaeum redolenti
Per exempla suae genti
Hinc concinat condecenti
Concentu gens Sueciae.

2 a. Nitor virginalis vitae
Te conformat margaritae,
Sion fundamento sitae,
Clara relucentia.

2 b. Costae quadrae praepolitae
Te cor constant quadrat rite,
Tangunt Gotiales sitae
Prae tanta constantia.

3 a. Lapis tersus sapphyrinus
Antrax, adamas, rubinus,
Iaspis, turchus, topasinus
Te designant typice.

8 b. Usu subit onychinus,

Chrysoprassus, smaragdinus,
Berillus, sardo, verinus
Decorantes mystice.

4 a. Prae collegio virtutum
Torques aureaque scutum
Tibi cedunt resolutum
Ex virtutum debito.

4 b. Sulcatis curis mundanis
In tot fluctibus profanis
Fac, salvemur a Scyllanis,
Ut cantemus Domino.

5 a. Lingua, visus, auris, tactus
Ad membrorum tot anfractus
Miros tuos stupent actus
Sanctitatis numero,

5 b. Coge gregem nos tantillum,
Pastor, laesum ac pusillum
Pastorale sub vexillum
Replicantem denuo.

6 a. Pende reis adinventam

Fraudem, praedam incruen-
tam
Precem plebis ad intentam
Concinentis sedulo;

6 b. Sis Gotorum advocatus,
Memor huius regni status,
Nostri pie miseratus
Canentum in iubilo.