302. Contra Insidias Diaboli.

1. Temptator pravus et dolosus
Mihi adfuit et clamosus,
In me irruit ut famosus,
Prout apparet tenebrosus.

2. Venit iste serpens fortis
Suis quoque cum amicis
Robur meum tollens dolis,
Ut me torqueat in tormentis,

3. Iste est draco ille magnus,
Serpens ruffus et antiquus,
Qui Satan et inimicus
Est vocatus et malignus.

4. Septem habet ergo capita,
Secum portans decem cornua,
Ut me perdat in versutia,
Minus potens quam favilla.

5. Nimis cautus ille leo,
Ortus iam in paradiso,
Mortem induxit illo pomo
Cooperante suo veneno.

6. Nihil aliud iste amat,
Nisi ut animam sibi tollat,
Se fecisse nihil putat,
Si quod corpus non occidat.

7. Tristatur et ipse, ut decipiat,
Gaudere se fingit, ut illudat,
Apparetagnus, utme comprimat,
Lupum se facit, ut seducat.

8. Tu ergo, Iesu Christe,
Mihi quoque miserere,
Sicut fecisti Magdalenae
Te rigando valde pie.

9. Heu, heu mihi, Domine,
Vaeque animae meae,
Recessisti, consolator vitae meae,
Nec dixisti mihi vale.

10. Defeci ego et cor meum,
Deus, pars mea in aeternum,
Quaesivi ego vultum tuum,
Tu ergo mihi offer manum.

11. Auxilium meum a te requiram,
Ut a me Satan repellam,
Tui tu mihi da memoriam,
Qua proeliari bene valeam.

12. O virgo munda, venerabilis,
Maria, mater humani generis,
Te precor, O admirabilis,
Ne mei unquam obliviscaris.

13. Nam angustiis saepe premor
Multis malisque coartor,
Die ac noctu ego peccator
Tui filii sum offensor.

14. Dulcis mater, placa filium,
Cuius uteri subiit claustrum,
Ne me abhorreat suum servum,
Sed suscipiat in aeternum.

15. O benedicta semper virgo,
Roga genitum, ut a saeclo
Me recipiat sitque cito
In aeterno ponens caelo.

16. O clemens pastor, sancte Petre,
Caelorum regna claudens clave,
A daemone isto me defende,
Qui infert iacula menti meae.

17. Tu etiam, Paule, pro me ora
Deum, qui semper sine mora
Preces capit sine ira,
Quia te rogat sua creatura.

18. Etiam rogo te Iohannem,
Iesu Christi amatorem,
Ne me respuas peccatorem
Meis delictis semimortuum.

19. Iesum vere baptizasti,
Nondum natus prophetasti,
In virtute praecessisti
Eumque ore praedicasti.

20. Apostoli omnes salvatoris,
Iesu Christi, vestri amoris,
Dei iam preces peccatoris
Conspectui offerte plasmatoris.

21. Omnes quoque anici Dei,

Pro me rogare Deum dignamini,
Gratia illa, qua salvamini
In paradisoque locamini.