FIRMANA 303

quorum alter pro civitate, alter pro parte civitatis externa; se- cundo, praeter sufficientem retributionem, competere decentem habitationem-.praesentem habitationem sic insufficientem esse ut cappellanus extra paroeciam morari coactus sit ; tres praeterea Ecclesias huius Abbatiae carere omnino sacris indumentis, et indigere sollicita reparatione, dum una earum est omnino fatiscens: neque minores exigere ¡curas domus colonorum. Hinc colligi potest quod reditus beneficii per plures annos pro his necessitatibus insumendi essent, et beneficiatus in conditione deteriori reperiretur suis pensionariis.

Disceptatio Synoptica

DEFENSIO PAROCHI. Animadversum fuit, apud Doctores, quando agitur de quaestione an pensionarius ad onera bene- ficii contribuere teneatur, distingui solere an pensio in quota reservata sit, an in quantitate. Attamen plures, quos inter Tondutus De pensionibus cap. VI, num. 2 et seq. hanc di- stinctionem reprobare videntur ac potius sententiam ample- cti, esse regulam generalem quod pensionarius tenetur pro rata contribuere ad solutionem onerum super beneficii fru- ctibus impositorum. Et ratio datur, quia pensionarius similis est colono partiario qui tenetur ad decimas ex sua parte fructuum colonica cap. Tua nobis circa finem de decimis * et ad instar usufructuarii, qui tenetur ad collectas et onera quae super fructibus imponuntur, veluti ad collectas annuas, gabellas, pensiones, canones, tributa et alias huiusmodi prae- stationes temporales, ut post plures alios tradit Castil. de usuf. cap. 57, n. 14. Molina de primog. lib. 1 cap. 27 n. 8 cum ibi citatis; quibus addendus est Osase, decis. 83 per totam. Quapropter Pyrrus Corradus in Praxi benef, lib. 5 cap. 7, n. 9 considerat pensionem tamquam onus reale in beneficium, et Pitonius disc, ccclesiast. 56, n. 47 tradit: « Quum contributio respiciat fructus beneficiorum nulla est rationis differentia ad hunc effectum solvendi con- tributionem inter titulares et pensionarios, cum ipsi inter se dicantur consocii fructuum, et propterea ambo teneantur