290. (3.) Incipit secundum Capitulum.

1. O Maria, vere pia,
Miserere miseris,
Miserere, pia vere,
Pereunt, quos deseris.

2. O serena, Deo plena
Trinitatis gratia,
Virgo munda, sed fecunda
Deitatis gloria,

3. Causa Dei, quaeso, mei,
Piorum piissima,
Miserere, mitis vere,
Omnium dulcissima.

4. O praeclara, Deo cara,
Tuo mihi servulo
Sic dignare propinare
Gratiarum rivulo,

5. Ut fermento luculente
Expiatus veteri
Et divino sim omnino
Mancipatus operi,

6. Ut meorum delictorum
Relaxatus venia
Fluviorum sim tuorum
Fecun datus pluvia.

7. O solaris stella maris,
Portus et refugium,
Salutaris in praeclaris
Mons et refrigerium,

8. Veri solis, tuae prolis
Iubar et solsticium,
Absque mora sic exora
Tuum pro me filium,

9. Ne, qui mortis sum in portis,
Incurram naufragium,
Sed te duce tua luce
Fruar virtualium.

10. O miranda, veneranda,
Miro fulgens iubare,
Mire fluens, miro fruens
Paradisi nectare.

11. Quae non tuis mire pluis
Errantes praeveniens ?
Quaeque fiuis pie tuis
Pellens, iuvans, praeiens.

12. Tui casti sunt et pasti
Bonis continentiae,
Non incesti nec qui pesti
Serviunt luxuriae.

13. Mihi tuo, sed qui fluo
Veteri fuligine,
Mihi casto, sed depasto
Propria aerugine,

14. Quaeso, plue, quaeso, flue
Gratiarum flumine,
Ut per tuam manum fluam
Virtutum spiramine.

15. O suavis et, quae favis
Omnibus es dulcior,
Flore, fructu, rore, ructu
Singulis suavior,

16. O innupta, huc eructa

Dulcis undam fluminis,
Virgo dia, cuius bria
Dulce nectar numinis,

17. Fontes vivos, Dei rivos
Multiformis spiritus
Emanantes et rorantes
Animas divinitus

18. Et recondit et refundit
In hortos ecclesiae,
Vivos rivos, vere vivos
Septiformis gratiae.

19. O clementis, miserentis
Virga Dei regia,
Quam rex verus Assuerus
In misericordia

20. Hesther tendit et suspendit
Aman in patibulo,
Quod Iudaeo Mardochaeo
Parat in latibulo.

21. Aman hostis Orci postis,
Hesther est ecclesia,
Mardochaeus est Iudaeus
Quisquis in angaria

22. Plebem Dei, datus ei
Rector, eam instruit,
Artaxerxes est, qui messes
Et omnia tribuit.

23. Virga recta et porrecta
Pio moderamine,
Deaurata et gemmata
Fronde, flore, germine,

24. Tu es, pia virgo dia,
Virga regis gloriae,
Nobis data et prolata
In signum clementiae.

25. Tuam clemens ego tremens
Expeto clementiam,
Tuam orans et implorans
Pietatis gratiam,

26. Ut amore et honore
Dei, tui filii,
Tuus votis sim et totis
Nisibus obsequii.

27. Corpus, mentem etpraesentem
Vitae meae modulum
Deo vere fac placere
Meque tibi servulum.

28. Si me reum apud Deum
Assumas in filium,
Salvus ero neque quaero
Longius auxilium.

29. Peccatores intra fores
Divini triclinii,
Ubi gaudes ferens laudes
In throno palatii,

30. Ad te spirant et suspirant,
Sui spem confugii,
Quae es lumen et cacumen )
Humani solacii.

31. Ad te clamans, fac, ut amans
Deum super omnia
Iunctus tibi luc et ibi
Tua fruar gratia,

32. Ut amaris huius maris
Fluctibus exsiliam
Et devotus tibi totus
Deo semper serviam.

Explicit secundtim capitulum.

Incipit titulus in tertio.

Virginis et matris, quae cunctis obviat atris,
Laus et honor Domini conveniens homini.

O pia, christicolis sacra lux et regia solis,
Da mihi laude tua vivere perpetua.

Explicit titulus.