304 S U P E R I U R E D E F E R E N D I C R U C E M

Regularium loci illius Ecclesias, pro funebri officio peragendo

ad suos sepeliendos.

III. Quam/Consuetudinem roboratam fuisse tum per liberam

pactorum et conventionum adstipulationem inter RR. Patres

et Capitulum initam, tum per Apostolicae Sedis assensum in de-

creto s. Congregationis emanato pro Religiosae Familiae tran-

slatione (1).

IV. Ex nuperrima Ecclesiae iurisprudentia certum esse coe-

meteria publica subrogata censeri singularum ecclesiarum se-

pulcris; ideoque ius sepeliendi, haud sublatum fuisse, sed tan-

tum variatum materialiter locum (2).

V. Quamobrem videri in themate haud cessavisse causam

finalem, qua concessum fuit Capitulo Primatialis ius ingrediendi

Regularium Ecclesias, ibique iuxta funebria suis persolvendi;

quia ex iure civili tantum immutatus fuit locus physicus, ma-

nente integro omni Ecclesiarum iure (3).

(1) Apostolica Sedes quum assensum

praeberet pro translatione illius Con-

ventus, certo certius vidit, atque ratas

habuit conventiones initas inter Patres

et Capitulum. Inter quas conventiones

et illa adest, ut servetur consuetudo

favore Capituli ingrediendi Ecclesias

Regularium ad funera explenda. Hinc

dicendum videretur, Patres non ex se,

sed cum R. Pontificis assensu suis re-

nunciavisse privilegiis.

(2) Hodie lege civili, publicae incolu-

lumitatis causa, cadavera fidelium ad

publica coemeteria deferenda sunt, sed

ait Cardinal Soglia Instit. Eccles, I. 2.

cap. 5, §. 61 . « Nihil sublatum esse de

« iure, quo ecclesiae potiuntur tam fu-

u neris peragendi, quam emolumentorum

u percipiendorum.lus sepeliendi et ius fu-

« nerandi connectuntur, sed natura sua

« discriminantur. Ex privatione iuris tu-

« mulandi, non sequitur ecclesiam ius et-

« iam amittere funeris peragendi; quando

« quidem ex coemeterii erectione , locus

« sepulturae materialiter tantum immu-

« tatur, ius vero integrum manet.. . »

(3) Illegitimum est enim quod induci-

tur a sola laica potestate; quae absque in-

terventu auctoritatis Ecclesiae impedire

nequit cadaverum depositionem in locis

sacris, neque exercitium iuris, quo gau-

dent fideles et Ecclesiae ex sacris cano-

nibus, u Quo factum est », ait Soglia loc.

cit. « ut cuiuslibet Ecclesiae iura quoad

u funus et emolumentorum perceptionem

« integra adhuc perseverent. Lex ,enim

« nil abrogavit, nisi intra terminos, ut

« aiunt, contradictionis. Unde Ecclesia,

u quae ius habebat tumulandi modo illud

« in coemeterio exercet, ideoque non fuit

u sublatum ius sepeliendi, sed variatus

u locus ».