304 APPENDIX VI. » modi distantia, (1) seu parochiae » amplitudo ad hoc ut parochiani » dicantur non posse sine magno » incommodo ad ecclesiam accede- « re, cum iure definitum non sit; » iudicis arbitrio relinquitur. »

Innuimus iam, praeter legitimam causam, quamplures requiri forma- litates , ut dismembratio canonice fiat. Plures harum numerantur a Fa- gnano in cit. cap. n. 28 et seq. « Principaliter ad erectionem no- » vae parochiae- requiritur ut in » illa parte parochiae antiquae, ubi » nova parochia est erigenda, sit

» competens numerus parochiano- » rum. » ( 2 )

« Requiritur ad erectionem no- vae paroeciae ut citetur rector ma- tricis ecclesiae ; nam etsi erectio fieri possit etiam ipso invito... ta- men non potest fieri, nisi eodem citato et requisito... (3) Nec tan- tum rectoris Ecclesiae, sed etiam aliorum omnium, quorum interest, praerequiritur citatio. » (4)

Quod extensio novae paroeciae determinanda sit nulla quaestio; nam Leurenius For. Can. p. 1. q. 160 ait: «Respondeo, parochiam

(1) Sacra Cong. Concilii opinionem in praxi saepe retinuit, duo millia passuum sufficere ut dismembratio rite fieri possit ; sic resolvit in Ariminensi erectionis parochiae 18 Iunii 1789, et in Piacentina dismembrationis 28 Maii 1791. Sed de- cisiones istae sumi nequeunt pro regula: quia evenire potest ut pari distantia aut asperitate itineris, dismembratio probata aut reiecta fuerit ob alias circumstantias, quae intervenire possint. Ideoque iudicio Episcopi perpendi debet magnum in- commodum.

(2) Opinio communior videtur quae exposcit saltem decem familias .pro nova erigenda ecclesia.

(3) Cardinalis De Luca habere videtur pro necessaria formalitate, nedum ci- tationem, sed etiam consensum rectoris ecclesiae dismembrandae; sed hoc eo sensu intelligitur, quod nisi consentiat potest appellare. Si appellans fuerit iniuste gra- vatus, gravamen eiusmodi per superiorem poterit emendari. Fagnanus loc. cit. n. 12 innuit in omni casu appellari posse ad Papam, omisso medio. Regulariter tamen a sententia Episcopi appellatur ad Metropolitanum. Appellatur ad Papam, quoties dismembratio facta sit in paroecia exempta. Appellatur apud Metropoli- tanum quoties paroecia sit Episcopo subiecta, quacumque auctoritate, sive ordi- naria sive delegata processerit Episcopus. Notandum quoque est quod appellatio haec habet solum effectum devolutivum, minime suspensivum. Unde firmum manet Episcopi decretum, nisi a superiore annulletur, nec interposita appellatio impedit quin ad executionem deduci possit.

(4) Quando paroeciae dismembrandae cura habitualis divisa est ab actuali, citatur rector habitualis. Si autem paroecia dismembranda vacua sit, tunc depu- tatur ab Episcopo aliquis cui competit exquirere de legitimitate et veritate causae. Quod si paroecia dismembranda sit iurispatronatus, patronus citari debet; sed eius consensus exquiri non videtur, praecipue si irrationabiliter sese opponat dismembrationi.