304 SENEN.

IV. Ideoque, ob speciales circumstantias in casu con- currentes, supplicatum fuisse SSmo pro gratia exemptionis a iurisdictione parochiali, ita tamen ut iura parochi quoad funera ipsi intacta servarentur.

D E C R E T U M Urbis et Orbis; quo conceditur Indulgentia Christifidelibus pium exercit ium quindecim Sabbathorum in honorem Deiparae sub titulo San- ctissimi Rosarii pergent ibus.

Pluribus abhinc annis Sodales Confraternitatum Ssmi Rosarii consueverunt singulare pietatis obsequium Bmae Mariae Virgini tribuere quindecim Sabbathis, haud interruptis, vel immediate ante festum eiusdem B. Mariae Virginis sub memorato titulo, vel etiam quolibet infra annum tempore. Haec autem pia praxis sacris iam Indulgentiis a Summis Pontificibus pro supradictis tantummodo so- dalibus ditata, in eo sita est, ut nempe singulis praefatis Sabbathis Sodales accedant ad sacramenta Confessionis et Ssmae Eucharistiae, simulque aliquem devotionis actum eliciant in honorem quindecim Mysteriorum, quae recensentur in marialibus precibus SSmi Rosarii. Modo vero quum apud Christifideles usus exhibendi huiusmodi ob- sequium B. Mariae Virgini frequentissimus invaluerit, preces de- latae sunt Sanctissimo Domino Nostro Leoni Papae XIII , ut etiam Christifidelibus devote peragentibus hoc pium exercitium coelestes Indulgentiarum thesauros benigne reserare dignaretur. Porro San- ctitas Sua, cui summopere cordi est, ut erga Bíñam Virginem sub titulo SSmi Rosarii cultus foveatur et pietas, relatas preces in audientia habita die 21 Septembris 1889 ab infrascripto Secretario Sac. Congregationis Indulgentiis sacrisque Reliquiis praepositae peramanter excepit et, alia quacumque abrogata Indulgentia, quae fortasse pro universis Christifidelibus eidem pio exercitio quomodo- libet fuerit adnexa, omnibus utriusque sexus Christifidelibus, qui in singulis haud interruptis quindecim Sabbathis vel immediate praecedentibus idem festum B. Mariae Virginis sub titulo SSmi Rosarii, vel etiam quolibet infra annum tempore vere poenitentes,

S. CONG. INDULGENTIARUM