304 FIRMANA

de iure ad onerum contributionem. > Unde optime concludi posset cum Ferraris voc. pensio n. 133: < generaliter te- netur pensionarius pro rata pensionis contribuere ad omnia onera beneficii, nisi Papa addiderit quod pensio sit omnino libera, immunis et exempta.

In themate autem quoad sumptus a sacerdote Artesi factos in paroeciae possessione, animadvertendum est inte- gram, ut vocant, successionis taxam pro omnibus abbatiae reditibus in libellis 1319, 50 fuisse persolutam. Item cetera onera eidem inhaerere ac si fructus plene perciperet. Ait enim : quatenus spes de imminutione pensionum evanida non fiat, recolatur beneficiatum solvere taxas di mano morta et di concorso pro pensionariis ; nam gubernium haud admit- tit onera pensionum, et pro integro gravat titularem. Pro solutione autem praedictorum vectigalium, quotannis libel- lae 395, 92 impendi debent.

Quod vero spectat trium ecclesiarum refectionem aliaque ad paroeciam et cultum necessaria, haud immerito adduci possent ea quae Tridentina Synodus statuit Sess. 21* c. 7 de Reform. < Parochiales vero ecclesias, etiam si iuris pa- tronatus sint, ita collapsas refici et instaurare procurent, Episcopi, ex fructibus et proventibus quibuscumque ad eas- dem ecclesias quomodolibet pertinentibus. Qui si non fuerint sufficientes, omnes patronos et alios, qui fructus aliquos ex dictis ecclesiis percipiunt.... cogant etc. > Cui chorum fa- ciunt Doctores communiter tenentes illis opus refectionis, et manutentionis ecclesiae incumbere, qui illius reditibus fru- untur. Et in specie Ferraris n. 129 tradit : < pensionarius ex reditibus pensionis impositae super beneficio tenetur pro rata concurrere ad ecclesiae reparationem, sicut tenetur ipse titularis seu beneficiarius. >

Quod si huiusmodi onera modo in unum parochum re- fundi vellent, ipsi qui iam aere alieno gravatur, pene ne- cessaria ad honestam sustentationem deficerent. Conforme autem est canonicae aequitati, ne ob pensiones beneficiariis adiectas deficiat aequa redituum portio ad eorumdem vivendi