291. (4.) Incipit tertium Capitulum.

1. O Maria, lux et via

Sursum et inferius,

In caducis via lucis

Peragrans superius,

2. In sophia vitae via,

Luce lucens clarius,

Fac nos vere relucere

Intus et exterius.

3. Mira mater, cuius pater

Deus est et filius,

Dulce donum, mire bonum,

Cunctis mirabilius.

4. Virgo mira, per quam dira

Perit pus veneria,

Per quam itur et exitur

Mundi de miseria,

5. Per quam fletur et deletur

Scelerum spurcitia,

Per quam statur et vitatur

Pervicax invidia,

6. Per quam homo Dei domo

Vi vit, in concordia,

Per quam datur et servatur

Honestatis gratia.

7. Virgo Dei, perpes ei

Comes ad regalia,

Sponsa, soror et, quid moror,

Et mater et filia.

8. O sublimis, es in imis

Pie fovens humiles,

Qui nituntur, sed labuntur

Saepius ut fragiles.

9. Continendo et parendo

Tibi fore similes

Fac gementes et trementes,

Fac honestos, utiles.

10. Nostras mentes fac clementes,

Quae nos ad hoc praemones,

Et constantes et calcantes

Mundum, carnem, daemones.

11. O praedives supra cives

Supernorum omnium,

Lux amoena, bonis plena

Cunctorum insignium.

12. Tanta, talis, aeternalis

Amatrix humilium,

Nobis praesto semper esto,

Quam milia milium

13. Comitantur, venerantur

Agmina caelestium,

Et, quos urget, fac, expurget

Durum hoc exsilium,

14. Paenitentes et sequentes

Tuum per te filium,

Exspectantes et sperantes

Tuum adiutorium,

15. Quae est Dei placens ei

Propitiatorium,

16. O puella, verbi cella

Dei, mons charismatum,

Nec est tale spiritale

Plenum vas aromatum.

17. Fac nos plene sine ''Mene

''Prece, voto, gemitu

Deo vere condolere

Corpore et spiritu.

18. In te namque scimus quamque

Rem coesse Domini,

Omne bonum, omne donum

Conveniens homini,

19. Templum regis, arcam legis,

Miram supellectilem,

Et divinis cum cortinis

Togam inconsutilem.

20. Tu es urna et diurna

Dei vestis aurea,

Manna, soccus, virga, coccus

Et regalis laurea.

21. Latum in te caritatis,

Longum est aetemitatis

Infinitae gloriae,

Imum est humanitatis,

Altitudo maiestatis

Tuae praeminentiae.

22. Candelabrum, aeris labrum,

Boves, mortariola

Cum tabellis et Ascellis

Sunt offertoriola.

23. In te mensa et expensa

Cherub tintinabula,

Dulcis sapor, mitis vapor,

Odoris turibula,

24. Ignis, tura et his plura

Dei utensilia,

Sanctitatis, claritatis

Et aurea omnia.

25. Ergo tanta tamque sancta

Legis consummatio

Nos emundet et fecundet

Tua benedictio.

26. O beata advocata,

Fons misericordie,

Felix nata, felix data

Nobis et ecclesiae

27. Advocata, Deo grata,

Ante thronum gloriae

Pro praelatis et sacratis

Voto continentiae,

28. Coniugatis et renatis

Christi et ecclesiae,

Ut exores intra fores

Divinae clementiae.

29. Omni hora clemens ora

Pro redemptis sanguine

Tui nati, immolati

Pro mundi peccamine.

30. O decora et odora

Super omnes species,

Nunquam fusca, sed corusca

Supra solem decies,

31. Tua munda lucis unda

Nos perfunde caelitus,

Nos circumda, nos munda

Luce sancti spiritus.

Explicit tertium capitulum.

Incipit titulus in quarto.

Alma Dei dia genetrix, impleta sophia,

Quod tibi mente pia sic offero, sume, Maria,

Fac et idem vere tibi munus eique placere,

Qui per te munus sit nobis, trinus et unus.

Explicit titulus.