VATICANI CONCILII 805

Inde per secreta suffragia guisóme Patrum viginUquatuQr scri- psit nomina ad constituendum Consilium de rebus ad fidem per- tinentibus, Ut iterum, scrutinio peracto, qui maiora suffragia re- ferrent, electi intelligerentur.

Denique distributae sunt Litterae Apostolicae in forma Bullae, quibus limitantur ac enumerantur Censurae, quibus ipso facto atque iure legum quarumdam violatores innodati subsunt. Eius- modi Litterae Apostolicae, ea de causa promulgatae in Synodo sunt, quod, licet iamdiu negotium de quo agunt, examinandum tradi- tum fuerit, paratae tamen non essent nisi appropinquante Concilii Vaticani tempore: quo factum est, ut missae ad Episcopos non fuerint, sed in ipso proximo Concilio, mandante Pontifice, singulis Patribus traderentur: inde autem die 18 eiusdem mensis affixae quoque fuerunt in consuetis Urbis locis; quae quidem affixio ef- ficit, ut in omnibus Orbis catholici locis promulgatae intelligantur. Harum Litterarum, quibus n&rmullas adnotationes subnectimus, tenoris suni qui sequitur.

« Sanctissimi Domini nostri P I I Divina Providentiae PAPAE IX.

Constitutio qua ecclesiasticae censurae latae sententiae limi-

tantur ».

P I U S E P I S C O P U S

S E R V U S S E R V O R U M D E I

Ad perpetuam rei memoriam.

« Apostolicae Sedis moderationi convenit, quae salubriter veterum canonum auctoritate constituta sunt, sic retinere, ut, si temporum rerumque mutatio quidpiam esse temperandum pru- denti dispensatione suadeat, Eadem Apostolica Sedes congruum supremae suae potestatis remedium ac providentiam impendat. Quamobrem cum animo Nostro iampridem revolveremus, eccle- siasticas censuras, quae per modum latae sententiae, ipsoque fa- cto incurrendae ad incolumitatem ac disciplinam ipsius Ecclesiae tutandam, effrenemque improborum licentiam coercendam et emendandam sancte per singulas aetates indictae ac promul- gatae sunt, magnum ad numerum sensim excrevisse: quasdam

Acta, tomo V, fase. LI V 20