306 EX S. G. RITUUM

Ad V. detur Decretum in Veliterno, 6 Septembris 1698 (1).

Ad VI. Affirmative ex permissione Archiepiscopi vel Epi-

scopi Ordinarii loci, et quando tenuerint ordinationes, consecra-

tiones aliasque functiones, in quibus iuxta regulas libri ponti-

ficalis baculo pastorali uti debent et necesse est, iuxta Caerem.

Episcoporum lib. I, c. 17, et Decret. Bracharen. 1 Sept. 1607 (2).

Ad VII. Dilata.

(1) VELITERNA

Relatis ab Emo et Rmo D. Card. Petruccio in S. R. C. infrascriptis dubiis inter

Episcopum Suffraganeum ei Capitulum, et Canonicos Ecclesiae Cathedralis Civitatis

Veliternae exortis, videlicet:

I. An saltem aliqui Canonici Ecclesiae Veliternae teneantur eidem Suffraganeo

obviam ire usque ad ostium Ecclesiae, ibique ex iisdem Canonicis dignior asperso-

rium porrigere, et in reditu usque ad eamdem ianuam comitari, dum cappa indutus,

ad Pontificales functiones obeundas accedit, Antecessoris non usu minime obstante?

II. An eidem debeatur genuflexorium, et an cum pulvinaribus et strato ad

orandum ante Sanctissimum Sacramentum, dum occasione functionum ingreditur

Ecclesiam ?

III. An facienti Ordinationes generales in aliquo eiusdem Ecclesiae Sacello

(propter impedimentum Altaris maioris ex causa recitationis horarum in Choro)

debeant in eodem Sacello assistere aliqui ex Canonicis?

IV. An dum assistit concioni, Praedicatoris salutatio ei prius dirigi debeat

distincta ab illa Canonicorum, et Magistratus saecularis?

S. eadem R. C, auditis tam in voce, quam in scriptis partibus informantibus,

respondit :

Ad I. Posse de licentia Emi et Rmi Domini Card. Decani Episcopi Ostiensis,

et Veliterni deferre cappam; et in hoc casu teneantur duo Canonici ire usque ad

ostium Ecclesiae, et dignior porrigat ei aspersorium, quo Suffraganeus se ipsum

tantum aspergat, et pariter eum associent in reditu usque ad eumdem locum.

Ad II. Iuxta votum Magistri Caeremoniarum, videlicet, Negative.

Ad III. Servetur Pontificale curi/i Missa solemni in altari maiori, praesente Clero. Ad IV. Affirmative; quatenus videlicet in Presbyterio. «Et ita decrevit, et ser-

vari mandavit ».

Die 6 Septembris 1698.

(2) BRACHAREN.

Licet alias in Sacr. Rit. Congr. ad istantiam Archiepiscopi Bracharen, sub die

21 Februarii 1604 declaratum fuit, Dignitates et Canonicos teneri Episcopo Suffra-

ganeo assistere, quoties functiones Episcopales nomine proprii Archiepiscopi exercet,

et eidem eadem obsequia praestare ; quae Archiepiscopo proprio easdem functiones

facienti praestaturi essent, ut pariter in eadem Congregatione declaratum fuit sub

die 20 Martii eodem anno 1605 : tamen quia novissime Dignitates et Canonici eius-

dem Ecclesiae Bracharen., ab eadem S. R. C. petierunt declarari. An in omnibus,

et per omnia Episcopo Suffraganeo inservire, et ministrare teneantur, sicut tenentur

ministrare, et inservire proprio Episcopo?