EX S. C. RITUUM 307

Ad VIII. Negative, quoad biretum formae doctoralis, iuxta Decretum in Venusina 7 Decembris 1844; (1) Affirmative quoad

Eadem S. R. C audita relatione Illmi, et Rmi D. Card. Montis Regalis, qui hoc

negotium alias commiserat, declaravit ut infra, videlicet:

Non teneri Dignitates, et Canonicos obviam ire Episcopo Suffraganeo, ad Ec-

clesiam venturo usque ad eius cubiculum, sicut tenentur obviam ire proprio Ar-

chiepiscopo, sed salis esse, si aliqui Canonici ei obviam procedant usque ad portam

Ecclesiae et dignior ei aspersorium porrigat, eumque usque ad Altare, vel locum

ad celebrandum, seu alias functiones exercendum destinatum, associent:

Item declaravit dictum Suffraganeum solemniter celebrantem non debere sedere

in Sede archiepiscopali, sed in faldistorio in cornu epistolae locando, nec debere

uti baculo Pastorali, nisi quando tenuerit Ordinationes, vel alias functiones fecerit,

in quibus, iuxta regulas Libri Pontificalis, eo uti debet, et necesse est; nec debere

habere assistentiam duorum Canonicorum, praeter Diaconum, et Subdiaconum, qui

erunt cantaturi in Missa Evangelium, et Epistolam, sicut haberet proprius Archiepi-

scopus, si solemniter celebraret, sed satis esse si praeter Diaconum et Subdiaconum,

ei unus ex Dignitatibus, vel Canonicis assistat ad librum, Pluviali paratus.

Similiter celebrante Episcopo Suffraganeo, non teneri omnes Dignitates, et Ca-

nonicos sacra paramenta accipere ; sicut tenentur proprio celebrante Archiepiscopo;

sed praeter ministros supradictos, alios omnes assistere debere in habitu ordinario

canonicali, et pariter celebrante Episcopo Suffraganeo, super Altare non esse ponen-

dum septimum candelabrum, sicut ponitur, celebrante proprio Archiepiscopo.

In reliquis functionibus, quas exercet Episcopus Suffraganeus, vel alius Episco-

pus delegatus a proprio Archiepiscopo, velut in Ordinationibus Clericorum, in con-

secrationibus, et reconciliationibus Altarium, et Ecclesiarum, seu Caeremoniarum,

et in similibus, Dignitates, et Canonicos teneri assistere Episcopo Suffraganeo in

habitu Canonicali, quando legitime non erunt impediti, et ex eis sacra sumere de-

bere paramenta tot Dignitates, et Canonicos, quot necessarii erunt iuxta Rubricas

Pontificalis, et formam actus, quem dictus Episcopus Suffraganeus exercet. Et ita

in omnibus, ut supra, eadem S. R. C. censuit ei declaravit.

Die 1 Septembris 1607.

(1) VENUSINA

Quum Capitulum Cathedralis Venusinae Ecclesiae Sacrorum Rituum Congrega-

tioni sequentia duo Dubia pro opportuna solutione proposuerit, nimirum:

I. An in Choro, et Processionibus, quae capitulariter aguntur, possit is, cui ob

Magisterium, et Lauream, aut Licentiam in Disciplinis Theologicis, vel sacris Cano-

nibus obtentam facultas conceditur deferendi Biretum cum quatuor apicibus, eodem

Bireto uti?

II. An iste, contradicente capitulo punctationi distributionum obnoxius evadat,

etiam si quadraginta ab hinc annis iam defunctus alius Sacerdos in eadem Ecclesia

usus fuerit tali facultate, et nemo contradixerit?

Sacra eadem Congregatio ad Vaticanum subsignata die coadunata in Ordinario

Coetu, referente me subscripto secretario, propositis Dubiis occurrens rescribendum

censuit: Negative in omnibus, nimirum nec uti posse in Ecclesiasticis functionibus

tali Bireto, nec amittere distributiones, siquidem Biretum non est Chorale indumen-

tum. Die 7 Decembris 1844.