LISBONEN. 307

mnibus ampullae pelviculae superpositae adhibeantur « ab eadem parte epistolae. ponuntur ampullae vitreae vini et aquae cum pelvicula et manutergio » (De missa lecta, t i t . XX, de praep. alt. 1) « celebrans lavat manus mi- nistrantibus acolythis ampullam aquae cum pelvicula et ma- nutergio » (De miss. soll. t i t . VII, n. 10). Capitulum non modo vitro argentum Surrogat, sed ampullis urceolum, quamdam nempe lagenae speciem, affabre elaboratae, italice boccale: et pelvi, lancem grandiorem, italice bacile vel ca- lino. Quod cum, iuxta memoratas rubricas, nec in missa lecta nec solemni concedatur, sed permittatur tantummodo Episcopis, vel Praesulibus inferioribus ex privilegio Ponti- ficalia exercentibus in solo actu Pontificalium, Canonicis et Dignitatibus Ecclesiae Patriarchalis Lisbonensis concedi nullo pacto potest.

Nec adhaerendum censet advocatus apostolico caeremo- niarum magistro, qui hunc ritum tolerari posse autumavit: quippe rationes, quibus innititur, nullae sunt, iuxta advo- catum. Loquitur de privilegio dignitatibus Lisbonensibus concesso missam pontificalem celebrandi. Sed dictum est, Praelatos hoc utentes privilegio, in missa tantum pontifi- cali, de qua hic non est quaestio, urceolo et pelvi argen- téis uti posse. (Decr. S. C. R. n. 1131, dub. 21). Nec re- deundum ad consuetudinem, quam ex antedictis, attenden- dam non esse advocatus contendit.

Nec denique in medium afferenda privilegia, si quae erant, antiquae Patriarchalis. Nam Pontifex novam erigendo, veterem, cum omnibus privilegiis, funditus suppressit, « fun- ditus perpetuoque cum omnibus hucusque habitis et quomo- documque quaesitis vel adhibitis iuribus, privilegiis, prae 7 rogati vis, honoribus ».

Iamque venit advocatus ad quartum caput, de quo con- troversia instituta. De eo scilicet, quod spectat ad assi- stentiam magistri caeremoniarum in missa conventuali, at- que autumat, hanc assistentiam in missa conventuali lecta prorsus esse reiiciendam. Et plura, ut id probet, allegat