304. De sancta Opportuna.

1 a. Gaude, virgo, laude digna,
Cuius vitae tam benigna
Refertur discretio ;

1 b. Christi corde ferens signa
Nunquam consistit maligna
In te cogitatio.

2 a. Haec relictis parentibus
Carnalique conubio
Cordis tendit affectibus
In Christi matrimonio.

2b. In huius maris fluctibus,
Ubi tanta confusio,
Constat iugis in precibus
Virginis contemplatio.

3 a. Propheticis

haerens sermonibus
Virgo floret

virtutum moribus,
Vernat vita
bonis operibus

Sub corona praemii.

3 b. Vilissimis

operta vestibus
Latet lectus

apparens opibus,
Gemens orat
occultis fletibus
Respectu martyrii.

4 a. Haec occultans ciliciam
Sub pannorum mollitie

Confutat omne vitium,
Regens arma iustitiae,

Suspirat ad dominium
Summae caelestis gloriae,

Ubi nulla fraus hostium ;

4 b. Sed hic laus concinentium
Triumphantis in acie,

Hic unus ardor cordium,
Hic pas indiffidentiae,

Hic corona viventium,
Hic origo laetitiae,

Hic salus confidentium.