308 Neten.

Patronus colatur et observetur, in casu haberi plenissimam, et cuiusque generis documentis ostendi.

Atque hoc loco probationes quaslibet antecellere testimo- nium historicorum in Sicilia insignium Rocki Pirri Abbatis Netini et Placidi Carafa. Primum, idest Rochum Pirrum, in Sicilia Sacra disquisitionibus illustrata (opus quod lucem vidit Panormi anno volvente 1634) Tom. 2, pag. 233 haec tradere « Motyca antiquissima et amplissima, comitatus titulo ab « anno 1300 et civium frequentia hodie 14443 et larium 3586 « egregiax in profunda valle sita est; Caput totius comitatus « antiquissimae familiae Caprerae, cuius iuris anno 1392, post « eiectos a Rege Martino Claramontanos Comites, et nunc « Alphonsi Enriquez et Caprerae est. Parochiale templum « Claramontani Comites suo tutelari D. Georgio dicarunt ; « sed anno 1630 die 6 novembris, ex dipi. Urbani V I I I in « regno excripto anno 1634 die 6 iulii, in insigne Canoni- ce corum Collegium erectum est... Hic plures SS. Reliquiae « coluntur; praecipue D. Georgii Martyris ex crure et dente, « tutelaris et patroni; cuius dies festus 23 aprilis, solemnis « est apud Motycanos, et pompa ac processione in arca argen- « tea circumducuntur Reliquiae ».

Ampliora inveniri penes Placidum Carafa in opere cuius titulus Mothucae Illustratae Descriptio typis edito Panormi anno 1653, et a Motucanis omnibus plausibus excepto. Ab eo namque tradi, S. Georgii cultum initium duxisse anno salutis 1086 quo « Rogerius Tancredi Normanni Comitis filius « natorum minimus, Saracenis a regno expulsis, Calabriam et « Siciliam tenuit, et Urbani Secundi Pontificis consensu Comes « fuit appellatus anno 1092 post Siciliam a barbaris sub- « actam, quam ei gloriam divino opere invenimus tributam. « Nam et in exercitu Rogerii eques splendidissimus armisque « coruscus Crucis ferens vexillum pro Nortmannis dimicare « visus est, Divus Georgius creditus (Manrolye fol. 96. Bon- « filius in sua Sicilia, lib. 4, part. i, fol. 179, aliique Siciliae « historici) ».