308 FIRMANA

batam. Quod si modo aliquid ipsis gubernium in augmentum congruae praebet vel in futurum promittit, agitur de parva pecuniae summa, quae ab auctis omnibus oneribus ut pluri- mum absumitur. Praeterquam quod de reditu admodum in- certo sermo est, qui ab alicuius fìsci officialis arbitrio saepe pendet, quique dum dextra conceditur, sinistra potest au- ferri.

Demum quod spectat suspensionem pensionis qua modo fruitur R. P. D. Carletti, observari posset gratiae largitio- nem ad Apostolicam Datariam pertinere, atque idcirco ad illam oratorem esse remittendum.

Quibus in utramque partem animadversis propositum fuit diluendum

Dubium

An et quomodo precibus oratoris annuendum sit in casu.

RESOLUTIO. Sacra C. O. sub die 29 Augusti 1891, re cognita, censuit respondere: Quoad impensas pro vindicanda Ecclesiae libertate a praetemo patrono affirmative pro rata pensionum ; quoad impensas pro reparatione Ecclesiarum provideat Archiepiscopus, prout et quatenus de iure ; quoad pensionem favore praesulis Carletti, recurrat ad Datariam apostolicam; quoad reliqua negative in omnibus.

Ex QUIBUS COLLIGES. I. Integras omnino solvendas esse pen- siones nisi expressa lege contrarium imponatur ab Aposto- lica Sede.

II. Pensionem imponi solere postquam Superiori innotue- rint vires beneficii; ita ut, consideratis etiam futuris proba- bilibus eventibus, congrua et sufficiens portio remaneat be- neficato.

III. Beneficiarium esse dominum fructuum beneficii, ideo illius favore vel damno procedere quidquid augetur aut immi- nuitur, quin pensionarius damnum aut commodum sentiat.