308 COLONIEN.

2. Ut tam Religiones proprie dictae, quam Instituta re- ligiosa quaecumque omnium alumnorum, qui post ingressum in Religionem vel Institutum ad sacros Ordines promoti et postea egressi sunt, sustentationem praestare teneantur, usque dum Episcopus aliquis eosdem Dioecesi suae incardinaverit.

3. Ut ii quoque, qui vota simplicia quidem, sed perpetua emittunt, aeque ac professi votorum solemnium a iurisdi- ctione Episcoporum perpetuo subtrahantur.

Disceptat io Synopt ica .

Consultor, cui pro voto res commissa fuit, antequam di- sceptationem super singulis articulis instituat, observat incom- moda, de quibus Episcopi loquuntur Ordines regulares haud respicere , in quibus vota solemnia emittuntur. Huiusmodi enim Ordinibus , primum a S. Pio V, deinde a fel. mem. Pii IX , tertio tandem a SSmo Domino Nostro Leone XIII provisum fuisse asserit.

Ac praeprimis a S. Pio V consultum fuisse ait, per consti- tutionem Romanus Pontifex, qua cavetur « ne cuiuscumque Ordinis religiosi clerici sive saeculares more religiosorum vi- ventes in communi, non professi, ad sacros Ordines promo- veantur, nisi observata forma decreti Tridentini, sess. 2 1 , cap. 2, de Reform., hoc est nisi habuerint ordinationis titulum a titulo paupertatis, quam nondum professi sunt, vel a titulo mensae communis, ad quam nondum ius perpetuum habent diversum ».

Consultum fuisse, secundo loco, ait, a fel. rec. Pii IX. primum anno 1857 per decretum Neminem, latet, et deinde anno 1858, tum cum proposito dubio: An professi votorum simplicium, ante emissam professionem, ad sacros ordines pro- moveri possent? authenticis declarationibus, art. VII, respon- dit : huiusmodi professos ad sacros ordines promoveri non posse. Ex quo responso, erui inquit, quod ius a S. Pio V stabilitum pro Novitiis Ordinum regularium nondum professis, extensum fuit sub Pio IX ad Professos votorum simplicium eorumdem Ordinum.