308 EX S. C. CONCILII

debuisset Curia Parisiensis mulierem iuridice cogere ad com- parendum, eo magis quod huius domicilium ipsam haud lateret.

Neque hisce animadversionibus contentus, scilicet vin- dex matrimonii, ego tunc cum instructionem edere ad nova acta conficienda, - mulieris citationem et examen urgebam his verbis: « Praeter actorem, sedulo erit cavendum ut mu- lier Blanca V . , seu Iosephi uxor, quae hucusque audita haud fuit, quoad fieri poterit exquiratur, et meliori omni modo, v. g., interpositis parochi officiis, inducatur ad com- parendum, atque ad exponenda ea omnia quae a re in causa videbuntur opportuna. » - Verum, adnotat defensor vinculi, Parisiensis Curia, quum acta novissima transmitteret, de- Blanca V. haec tantum notavit: « Rea autem non probis, moribus praedita et ambigua fide, rite tamen ad vocata non comparuit ».

Insuper vinculi defensor ipsammet affinitatem in casu dubiam esse contendit, quia « certissimum est, ait, hac no- stra aetate, praesertim magnis in urbibus ac potissimum in civitate Parisiensi (magna Condonnorum parente, qui ideo* in commercio veneunt sub nomine : les gants de Paris) plu- rimos esse qui, coniugati vel soluti, hoc modo venerem ex- ercent ; videlicet si coniugati ad prolem vitandam, si non coniugati tum ad prolem vitandam, tum ad morbos venéreos declinandos »; et ideo nihil prorsus mirum si forte Bertha et Iosephus nonobstante consortio semestrali diurno noctur- noque, luxuriationibus turpiter indulserint, sed absque natu- rali copula, qua sola paritur affinitatis impedimentum.

Hisce perpensis EE. PP. die 5 septembris a. 1903 ad

Dubium

An sententia Curiae Parisiensis sit confirmanda vel in- firmanda in casui

Reposuerunt : Sententiam Curiae Parisiensis esse in firmandam.