309

De Consistorio habito die 15 Ianuarii 1866. In Palatio Apo- stolico Vaticano fuit Consistorium secretum, in quo Emus ac Rmus Dominus Cardinalis Simeoni detulit ac tradidit Perulam Sacri S. R. E. Cardinalium Collegii SSmo Domino nostro Papae , qui -eam fidit Emo ac Rmo Domino Cardinali Bartolinio pro anno prae- sente ipsius Sacri S. R. E. Cardinalium Collegii Camerario; et ubi Emus ac Rmus Dnus Cardinalis Capecelatro dimisso Titulo SS. Nerei et Achillei alterum optavit S. Mariae de Populo. Postea habita est sequens:

ALLOCUTIO SS. D. N. Leonis Papae XIII.

Venerabiles Fratres

Etsi res, de qua dicere instituimus, in communi iam cognitione versatur , tamen quia cum publico gentium bono coniungitur , -et morem Apostolicae Sedi perhonorificum eumque iamdiu intermis- sum renovavit, idcirco dignam iudicamus , de qua ad vos in hoc amplissimo loco per Nosmetipsos referatur.

Superiore mense Septembri, cum a Nobis Germaniae Imperator et Hispaniae Rex simul petissent, ut in controversia de Carolinis insulis auctores transigendi negotii Nos fieri placeret, delatum fidei Nostrae perofficiose munus grata libentique voluntate recepimus, quia prodesse aliquid opera Nostra concordiae et humanitati posse videbatur. Itaque adlata ultro citroque momenta rationum iudicio sincero et aequo perpendimus: brevique licuit quaedam constituen- dae concordiae velut fundamenta indicare, quae utrisque probabilia confidebamus futura.

Hispania quidem ius suum in dissitas illas Micronesiae regio- nes multimodis tuebatur: natione eorum, qui ad ea littora prim appulissent: testimonio scriptorum de re geographica gravissimo rum: nomine ipso Carolinarum hispanica origine : denique et illud afferebat, apostolicos viros illuc plus semel ab regibus suis missos. Cuius postremae rei cum rebus gestis Pontificatus romani est nexa et iugata memoria. Extat enim epistola Clementis XI decessoris Nostri ad Philippum V data anno MDCCVI, qua regem collaudat,

EX ACTIS CONSISTORIALIBUS