318. De sancto Isidoro Matriteasi.

Hymnus 4.

1. Felix fidele munus,
Quod Deus dedit unus.

2. Divinum et jucundum
Sidus est et secundum,
Quod refulget in mundum,
Datum est nobis munus.
3. Divinum, quod creatur,
Jucundum, quod sacratur,
Secundum, quod beatur,
Datum est nobis munus.
4. Divinum et beatum,
Sub arida servatum
Corpus, quod illibatam,
Datum est nobis munus.
5. Divinum et regale,
Non reperitur tale
In gentibus formale,
Datam est nobis munus.
6. Humana sub natura
Corporea factura
Manens integra pura,
Datum est nobis munus.

7. Nam forma speciale,
Virtute generale,
Cunctis medicinale,

Datum est nobis munus.

8. Remedium dolentis,
Solamen piae mentis,
Medela nostrae gentis,
Datum est nobis munus.
9. Socius supernorum,
Thymiama odorum,
Nostrum adornans chorum,
Datum est nobis munus.
10. Electum vas decorum,
Concivis angelorum,
Munimentum piorum
Datum est nobis munus.
11. Munus praedestinatum,
Apostolis optatum,
Fulgens, associatum,
Datum est nobis munus.

12. Jam regem in decore
Caritatis amore
Contemplans in honore,
Datum est nobis munus.

13. Regentem mundum Christum.
Per quem despexit istum
Orbem male commistum,
Datum est nobis munus.

14. Munus hoc insperatum,
Divinitus collatum,
Bonis mirum et gratum,
Datum est nobis munus.

15. Per summum dominorum,
Rectorem supernorum,
Venerandum, decorum,
Datum est nobis munus.

16. Per summum regem regum,
Judicem justum legum,
Pastorem fidum gregum,
Datum est nobis munus.

17. Ergo pro salvatore,
Qui bona dat ex more,
Laeto dicamus ore:

Datum est nobis munus.

18. Honor patri ingenito
Ejusque unigenito,
Sit flamini paraclito,
Per quem datum est munus.

19. Cujus donum honoris,
Cujus bonum amoris,
Cunctis laudemus horis ;
Per quem datum est munus.

20. Felix fidele munus,
Quod Deus detit unus.