310 Neten.

< innumeris aliorum Sanctorum potitur reliquiis, quae magna « celebritate et populorum maximo concursu die 2 3 aprilis per « totam circumducuntur Urbem ».

Historicorum verbis cohaerere innumera documenta: ac praesertim :

I. Actum appositionis primi lapidis pro reaedificatione tem- pli S. Georgio Sacri, magna cum solemnitate peractae die 25 martii 1463.

II. Instrumentum celebratum anno 1657 inter Capitulum S. Georgii et Capitulum S. Mariae de Bethlem pro campanis Sabbato Sancto pulsandis.

III. Actum possessionis Francisci Carafa Abbatis Benedi- ctini, Praepositi Ecclesiae S. Georgii, quae possessio locum habuit anno 1668.

IV. Actus consecrationis reaedificatae Ecclesiae S. Geor- gii expletae a Siracusano Episcopo Matthaeo Trigona die i februarii 1738. His in actis omnibus, S. Georgium civitatis Patronum appellari vel ab ipsis Capituli S. Georgii adversa- riis, inter quos iam ex tunc, prouti ad praesens, eminebant Capitulares S. Mariae de Bethlem Ecclesiae S. Petri filialis.

Solemnissimae S. Georgii festivitatis et processionis atte- stationes reliquisse anno 1686 Motucani Cleri sacerdotes numero viginti, et anno 1703 die 21 augusti sacerdotes alios numero sex, una simul cum civibus omni laude dignis. Processionis autem actae annis 1758, 1759 et 1760 accura- tissimas descriptiones ad acta existere. Magni demum esse faciendum, quod cum anno 1798 omnes Ecclesiasticas suppel- lectiles in pecuniam numeratam convertendas fiscus sibi addi- xisset, instantibus Canonicis fideiibusque S. Georgii, argenteam arcam servari decrevisset in qua S. Georgii Reliquiae conditae fuerant, ea tantum de causa, quod S. Georgius Patronus esset civitatis Mothucae principalis.

Verum etiamsi haec omnia deficerent, rem confecisse Sacram Rituum Congregationem die 2 iulii 1661. Sacra Congregatio, cui ob aetas de matricitate lites omnia apprime innotuerant