Appendix V 311

infans. Accedit, quod eiusmodi distinctio non admodum scientifica est. Namque in eiusmodi rebus directum vel indirectum in inten- tione consideratur, non autem in materiali actu, iuxta praeclarum principium a S. Thoma datum 2, 2, q. 64, art. 7; ubi angelicus Doctor intrinsecam rationem tradit, cur liceat in sui defensionem alterum occidere (actu quidem directo, quod subintelligitur) ; inquit enim: Respondeo dicendum, quod nihil prohibet, unius actus esse duos effectus, quorum alter solum sit in intentione, alius vero sit praeter intentionem. Morales autem actus recipiunt speciem secun- dum id, quod intenditur, non autem ab eo, quod est praeter inten- tionem, cum sit per accidens. Quod adamussim contingit in opera- tione Craniotomiae : huius enim effectus duo sunt, quorum primus qui intenditur et moralitatem actui tribuit, est remotio causae mortis matris; alter est praeter intentionem, ideoque per accidens, qui extraneus est moralitati actionis, quique consistit in morte iniusti aggressoris, idest infantis.

Neque praeterea desunt, qui distinxerunt inter ipsam matrem, quae per se vitam propriam tueatur, et medicum, qui alienam defen- dat. Sed eiusmodi distinctionem ipsemet Sánchez reiecit, loc. cit., n. 13 et 15, cum communis doctrina sit, ut quandocumque habeat aliquis ius alium occidendi, id potest etiam alius pro eo praestare, cum id suadeat charitas; quodque repetit S. Alphonsus, 1.3, n. 389: multoque magis medicus qui ex officio publico ei commisso agit, ut notat idem Sánchez, loc. cit.

Nullimode autem est habenda ratio auctoritatis quam frustra allegant S. Ambrosii, quae quidem allegatio digna haud est adeo gravium Auctorum. Namque S. Ambrosius, Offic, lib. 3, cap. 9, loqui- tur de Clerico, qui ut moribundus testamentum commutet, curat ; ut scilicet alium haeredem instituat qui nullum ius habet ad eius haere- ditatem. At vero quomodo haec locum habere possunt in matre quae verum ius habet ad tuendam propriam vitam?

Denique coronidis gratia, in Craniotomia occurrit quoque, quod maximum est, bonum spirituale infantis. Omissa enim eiusmodi Cra- niotomiae operatione infans moritur sine baptismate; sed hac opera- tione adhibita baptizatur: medicum enim instrumentum, ita est con- fectum, ut primum lacerare valeat membranam qua foetus in volvitur, ut inde aqua infundi possit in capite e membrana prodeunte.

Auctores haec omnia haud considerantes, aliamque viam non praesentis quaestionis propriam tenentes, verba illa pronuntiarunt : numquam licet ; quod effatum adeo durum, ut vidimus, per se con- cidit: sint itaque etiam fere omnes qui illud protulerunt, in regulam incidunt, quam Canus tradidit.

Inter recentiores Auctores audivi adesse cl. Kenrick Archiepi- scopum S. Aloisii, qui in sua theologia hanc sententiam, omissa veteri, defendit: quod tamen opus consulere non potui.