308. De sancto Paulino M.

1 a. Laus sit regi gloriae,

Qui nos suo sanguine

Patri reconciliavit,

1 b. Viva factus hostia

Fortis vicit fortia,

Triumphat regnans gratia.

2 a. Excaecatur, ut Iudaea,

Fide credit Idumaea

Haec alienigena.

2b. "Ubi est Deus deorum?"

Gens dum clamat infidorum,

Iustus nihil dubitat.

3 a. Si capillus numeratur,

Per quemcaelum gubernatur,

Huius vere recordatur

Quem vestit duplicibus;

3 b. Insidiae venatoris

Sunt cassae, stola decoris

Ut nos ornat creatoris

Manus in caelestibus.

4 a. Quod dum sane meditatur

Iste martyr, cruciatur

Et tormentis gloriatur,

4 b. Felix martyr, qui vicisti

Et cupita possedisti

Pro sanguinis commercio.

5 a. Huius ergo solemnia

Mater agat ecclesia,

5 b. Ut fidei gratuita

Hoc consequatur praemia.

6 a. Claudos gressu qui curavit,

Curet mentes, saueiavit

Quas peccatum ; nec ingra-

tum

Nostrum sit obsequium.

6 b. Admittantur peccatores,

Ut sint tui laudatores;

Dei gaudent amatores,

Si conversi fuerint.

7 a. In praesenti, fac, vivamus

Nos, ut post haec valeamus

Tecum laete vivere.

7 b. Hoc concedat Deus-homo,

Qui, ut noster vivat homo,

Sua fecit gratia.

809. De sancto Paulo.

1. Melliflua

dans organa

2 a. Dulcis resonet

nunc musica

2 b. Modulamina

treicia.

3 a. Tinniens fidibus

sona, lyra;

Laudabilia

dic praeconia,

phalanx, hypolydica.

3 b. Harmonica tuba,

voce celsa

Sympboniaca

prome cantica,

virtutum melis concina.

4 a. Paule,

vas electionis, pia

nostri disice

cordis prece nubila

Sede suprema.

4b. Tibi

namque virtus uranica

verba contulit

loqui non licentia,

Valde profunda.

5 a. Balsamea dogmata

concrepet

mixta symphonia vera,

5 b. Aromatizantia

carmina

sonora reddat tibia.

6 a. Sancte Paule, nostra

hac in die

suscipe vota,

6 b. Qua ad palatia

es assumptus

perlucentia.

7 a. Sublimis resides [in] aethra,

vas electum, eructans

vitae pocula ;

7 b. Caesaris namque tu dira

nil formidans exspectas

ensis iugula.

8 a. Nunc, sancte Paule, polica

gaudes in aula,

laureatus inter lilia

Rosis rubea.

8 b. Ob hoc te nostra caterva

voce declina

tympanizans laudat et alta

Dat praeconia,

9 a. Atque humillima

voce pia

reddit laudum

tvmiamata.

9 b. Ut tua sentiat

suffragia,

sancte Paule,

clamat haec aula.

10. Christe, nos omnes, rex, conserva.

3(O. In Conversione s. Pauli.

1 a. Paule, doctor egregie,

Per te patent caeli viae

Transire volentibus,

1 b. Quondam tortor, tandem [pie]

Gubernator ecclesiae

Dogmata das gentibus.

2 a. Caeli secreta rimaris

De supernisque vocaris

In apostolatum.

2 b. Caecus in terra prostraris,

Lumen, antequam baptizaris,

Est tibi collatum,

3 a. Quo lustrasti totum mundum,

Tua doctrina abundum

Replesti docendo.

3b. Nam cuncta, quaeque scrip-

sisti,

Nostrum profectum fecisti

Saluti consulendo.

4 a. Corinthi, Ephesi, Galatae

Deam verum sciunt a te

Missum in epistolis;

4b. Romani, Thessalonicenses,

Hebraeique Colossenses

Colunt hunc, quem tu colis.

5 a. Propter quem ter naufragaris

Et ter virgis caedebaris,

Semel lapidatus,

5 b. De Damasco non per portam,

Sed a fratribus per sportam

Trans marum .delatus.

6 a. In infinitis periculis,

Carceribus et vinculis

Ac in civitate,

6 b. In mari ac fluminibus.

Ex genere, latronibus

Et fratrum falsitate.

7 a. Ne te magnitudo

Sermonum extollat,

Et ingratitudo

Praemium abstollat,

Pungit te carnis stimulus ;

7 b. Isque, ter rogasti,

Ut a te tollatur,

Sed nec impetrasti,

Nam cum infirmatur

Caro, fortis es, strenuus.

8 a. Ergo, vas electionis,

Exsecutor lectionis

[Promptus] evangelicae,

8 b. Fac nos frui summis bonis,

Ut curiae tuis donis

Iungamur angelicae.

9 a. Tuam agentes memoriam

Duc ad caelestem patriam

Tua per suffragia,

9 b. Ubi hunc, quem dilexisti

In tempore, quo vixisti,

Cernis in aede regia.

10. In qua perenne tutamen

Capiamus et solamen

Te praestante nobis. Amen.