IANUEN. 313

nia ambigua dirimit ex cap. cum venissent de cons. et vim legis habet ex L. Cod. de Ep. L. Munerum ff. de ff un. et honor., ex cap. 9 de consuet. ex Rota Montis F alisci canonicatus 5 Maii 1823 cor. Tiheri, praesertim si uti in themate sit immemorabilis, cuius tanta est virtus, ut sive in linea praesumptiva, sive in linea praescriptiva allegetur, titulum de mundo meliorem exhibet, ceu docet Card. De Luca disc. 32, n. 2 et 4. Rota etc.

Post haec gradum facit patronus ad contrarias rationes evertendas, atque adnotat in primis plures ex allatis aucto- ritatibus ad rem non facere cum de privatis tantummodo benedictionibus agant. Nec veritati consonum esse refert ex Benedicto XIV erui publicas et solemnes benedictiones ad quoscumque sacerdotes spectare. Etenim Summus ille Pon- tifex in notificatione 105 sacras functiones sine iurium pa- rochialium praeiudicio esse peragendas tradit, ac decreta S. Rituum Congregationis allegat, in quibus nonnullas fun- ctiones quae mere parochiales non sunt, attamen esse a pa- rochis peragendas traditur. Item minime officere putat orator, eiusdem S. C. responsiones anni 1671 a Gardellinio citatas, utpote post recentiora ac generalia decreta auctoritate desti- tutas. Quod ipsum dicit de ceteris relatis decisionibus SS. CC Episcoporum et Regularium et S. Rituum, nec non de auctoritate Monacellii, in quibus vel Ordinarii licentia requi- ritur, quae hic defuit, vel ut superius dictum est, de pri- vata tantum agitur benedictione. Consuetudinem vero in omnibus Capuccinis adversari , praeter quam ex iis quae iam memoravit, deducit ex synodo dioecesana Ianuensi an- ni 1603, in qua Archiepiscopus Horatius Spinola decrevit: « Cum benedicendae sunt domus, naves et carinae, parochi sint munus vel alterius cui id parochus demandaverit: qui contrarium praesumpserit, suspensionis poenae subiaceat. » Assertionibus vero Capuccinorum relate ad consuetudinem haud esse fidem adhibendam censet, sive quia in causa pro- pria emissae fuerunt, sive etiam quia ex tribus senioribus loci presbyteris, quorum testimonium sibi favorabile edice-