314. De Vanitate Mundi.

1. Vanitatum vanitas

Est omnis mundi huius
Res aut saecularitas,

Finis malus cuius ;
Hinc pensa, quod futurum est,

Quo venturus tandem,
Nam iudicaturus est

Deus veram in lancem.

2. Mundum velle sapere,

Dolum aut honorem,
Eius fraudem carpere,

Blandientem morem,
Ventum talis retinet,

Sed non nimis diu,
Hic Deum non attinet

In tali ambitu.

3. Ab his et carnis onere

Diabolique fraude,
A peccati pondere

Et ab omni clade,
Deus pius liberet

Nos trinus et unus,
Qui gaudium tribuet,

Qui est summe bonus.