259. De sancto lvone.
Ad Nocturnum.

1. Exsultet pars catholica,
Laetetur plebs Britannica,
Deo depromens cantica,
Ivoni qui dat coelica.

2. Nemo posset concipere,
Nec vox posset exprimere,
Quantis sit dignus laudibus,
Quantis rogandus precibus.

3. Ab aetatis primordio
Dei se dans obsequio,
Mundi spernens divitias,
Honores et delicias.

4. Sed coelestia sitiens,
Vera gaudia ambiens,
Sancta frequentans opera
Translatus est ad supera.

5. Conemur bonis actibus,
Rogemus piis mentibus,
Ut suis sacris precibus,
Jungamur coeli civibus.

6. Quod nobis Christus annuat,
Nos a peccatis abluat,
Precum hujus instantia
Dei fruamur gloria.