Sacra Congregatio Rituum 315

perennarent in mundo. Porro nullo unquam tempore Ecclesiam suam

fidelibus bis ministris Christus carere sivit, qui copiosae suae redem-

ptionis fructum abunde in christianum populum effunderent.

Vividum fidelis ministri exemplar elucet in Servo Dei Adulfo Petit,

ex melita Societate Iesu, qui Sancti eiusdem Conditoris vestigia pre-

mens, ad maiorem Dei gloriam, animarumque salutem procurandam, to-

tum se, ad ultimam senectutem usque, impendit et super impendit.

Is Gandavi in Planària die 22 maii a. D. 1822 ex piis et pauperibus

parentibus, Leopoldo et Albertina Coppejans, ea ipsa hora qua campani

aeris meridiana pulsatio fideles ad adorandum divinae Incarnationis

mysterium invitabat, natus est atque sequenti die lustralibus aquis

ablutus.

Quinquennis, matre orbatus, a patruo. Judoco, qui et patrinus eius

fuerat, amanter exceptus, Beatam Virginem sibi matrem elegit, sub

cuius patrocinio divinae vocationis ad sacerdotium semina, quae, prae-

sertim postquam ad sacram mensam fuerat admissus, in se succrescere

vividius persentiebat, quam diligentissime excoluit, tutatusque est, licet

sive ludimagister, quo utebatur, sive ofiicinae dominus, in qua suam ope-

ram locabat, haeresi essent infecti.

In S. Barbarae Collegii scholas a P. van der Moeré e Societate Iesu

benigne atque gratuito adscitus humaniores litteras didicit. Interim per

plures menses a Sororibus Nostrae Dominae, quarum Institutum non

multo ante a B. Iulia Billiart fundatum fuerat, generose hospitio re-

ceptus fuit.

Anno 1842 Societati Iesu nomen dedit. Quanto animi fervore ac dili-

gentia omnes ignatiani instituti regulas, vel minimas, observaverit, dif-

ficile dictu est; ceterum quam profecerit, dum tirocinium agebat, in virtu-

tum semita, eius postea sanctitas declaravit. Philosophicis theologicisque

studiis summa sedulitate ingeniique laude peractis, ceterisque functus

muneribus, quibus Societatis Iesu alumni solent exerceri, septembri

mense a. 1855 ad sacrum Presbyteratus ordinem fuit promotus : anno

autem 1860 die B. M. V. Purificationi recolendae sacro, sollemnibus re-

ligionis votis Dei servitio totum se mancipavit.

Ab Urbe redux, quo a. 1865, ut sollemnibus Ioannis Berchmans Bea-

tificationis interesset, de Superiorum mandato perrexerat, Rmi P. Petri

Beckx Praepositi Generalis iussu, Instructoris Sodalium tertiae Pro-

bationis, quam vocant, munus suscepit, quod viginti annos impigre fide-

literque exercuit. Item annos circiter quinquaginta spiritualibus exer-

citationibus moderandis tradendis, ingentes fructus inde colligens, i n -

cubuit.