IANUEN. 3 1 5

Cappuccinis ut valeant benedicere infirmos, animalia, agros, vi- num, legumina, atque similia cum stola ; dummodo id faciant ad instantiam alicuius personae, non ex officio, privatim et absque solemnitate, excepto pro eisdem patribus Sabbato Sancto, in quo omnino sese abstinere debent a dictis benedictionibus.

Gui et aliam fere similem S. O. Episcoporum et Regu- larium epistolam ad apostolicum Venetiarum Nuntium die 28 Novembris 1661 transmissam subnectit, quam invenit apud Bizzarri pag. 292 ubi, ut ipse refert, apertis verbis innui- tur quod « Minores Capuccini possunt benedicere animalia et praedia. »

Nec obstare censet generalis Capulatorum procurator alterum responsum S. C. C. ad cuius tenorem Minores Ca- puccini non possent absque licentia parochi benedicere agnos et maledicere brucos et locustas. Siquidem animadvertit au- ctoritati insistens Marcellini De Luccia De iure Capuc.: « haec responsio ob generalem formulam petitionis ad S. C. porrectae et in abstracto necessario negativa esse debebat. Quae proinde minime censenda est supra relatas responsio- nes infirmare, nec in aliquo minuere ius Minorum Capucci- norum et privilegia ipsis a Sede apostolica nemine reclamante hucusque agnita. »

Ad quaestionis vero punctum propius accedens, contendit ius benedicendi naves ad Capuccinos pertinere iuxta ea quae tradit idem De Luccia opere cit. pag. 396. Atque idcirco literas S. C. Episcoporum et Regularium diei 31 Augu- sti 1629 refert, in quibus haec leguntur: quum S. Congrega- tio certior facta sit a Provinciali pp. Cappuccinorum pro- vinciae Venetiarum, quod nonnulli parochi molestias inferre studeant patribus, eisdem prohibendo ne assistant moribun- dis eorum animas commendando, ne benedicant privatim et sine solemnitate possessiones et naves nonnullorum devoto- rum, qui id expetunt: Rmi Patres iudices iusserunt scri- bere quod in praedictis actionibus patres Cappuccini nihil agunt quod sit proprium solius officii parochorum, et ideo patres in his rebus molestari non debent.