316 Acta Apostolicae Sedis - Commentarium Officiale

Republica Apostolicum Nuntium, deputamus, eidemque necessarias et

opportunas facultates tribuimus etiam subdelegandi ad effectum de quo

agitur quemlibet virum in ecclesiastica dignitate constitutum, ac definitive

pronuntiandi super quavis difficultate et oppositione in exsecutionis actu

quomodolibet oritura; eique insuper onus imponimus ad Sacram Congre-

gationem Consistorialem intra sex menses ab bis Litteris datis computan-

dis transmittendi authenticum exemplar peractae exsecutionis.

Praesentes autem Litteras et. in eis contenta quaecumque nullo unquam

tempore de subreptionis, vel obreptionis aut nullitatis vitio, seu intentionis

Nostrae, vel quolibet alio substantiali et inexcogitato defectu notari, impu-

gnari, vel in controversiam vocari posse, sed eas tamquam ex certa scientia

ac potestatis plenitudine factas et emanatas, perpetuo validas exsistere et

fore, suosque plenarios et integros effectus sortiri et obtinere, atque ab omni-

bus, ad quos spectat, inviolabiliter observari debere, et si secus super his a

quocumque, quavis auctoritate, scienter vel ignoranter contigerit attentari,

irritum prorsus et inane esse et fore volumus et decernimus. Non obstanti-

bus, quatenus opus sit, regulis in synodalibus, provincialibus, generalibus

universalibusque conciliis editis, specialibus, vel generalibus constitutionibus

et ordinationibus Apostolicis, et quibusvis aliis Romanorum Pontificum prae-

decessorum Nostrorum dispositionibus, ceterisque contrariis quibuscumque.

Volumus autem ut harum Litterarum transumptis, etiam impressis,

manu tamen alicuius notarii publici subscriptis ac sigillo alicuius in eccle-

siastica dignitate Constituti munitis, adhibeatur in iudicio et extra illud

eadem prorsus fides, quae eisdem praesentibus adhiberetur, si originali-

ter forent exhibitae vel ostensae. Nemini ergo liceat quae hisce Litteris

Nostris dismembrationis, erectionis, subiectionis, decreti, commissionis,

mandati, derogationis et voluntatis statuta sunt, infringere, vel eis ausu

temerario contraire. Si quis autem hoc attentare praesumpserit, indignatio-

nem omnipotentis Dei ac beatorum Petri et Pauli Apostolorum eius se

noverit incursurum.

Datum Romae, apud Sanctum Petrum, anno Domini millesimo nongen-

tesimo vigesimo octavo, die quarta decima mensis Aprilis, Pontificatus

Nostri anno septimo.

FR. A N D R E A S CARD. F R U H W I R T H ,

Cancellariis S. B. E.

Dominicus Jorio, Protonotarius Apostolicus.

Dominicus Spolverini, Protonotarius Apostolicus. Loco ǣ P lumbi

Reg. in Cancellariae Apostolicae, Vol. XXXVIII, n. 3. - M. Rigg i .