318 Acta Apostolicae Sedis - Commentarium Officiale

ram, etc.: cum istae gravitatem textus const i tut ionum a Sancta Sede

Apostolica approbandarum, minime deceant ;

I) dispositiones denique cuiusvis generis, quae, sive explicite sive

implicite, aliquid contra ius contineant .

C A P U T V

Generalia in constitutionibus requisita

23. Consti tut ionum codex continere debet ea quae respiciunt notio-

nes et disposi t iones:

a) de religiosae Congregationis na tura , votis, membris et modo

vivendi ;

b) de Congregationis gubernio, administrat ione et officiis.

24. Haec vero omnia distribui possunt in duas, t res vel qua tuor

partes, sed summopere commendatur brevitas, claritas et opt imus ordo.

25. Constitutiones dividantur in partes , partes in capita, capita in

articulos seu paragraphos ; hisce praeponantur numeri ab initio ad f inem

progredientes.

C A P U T V I

Specialia de titulo

26. Titulus seu nomen Congregationis religiosae desumi potest vel

a Dei at tr ibutis , vel a Sanctae nost rae Religionis mysteriis, vel a festis

Domini et Beatissimae Virginis Mariae, vel a Sanctis, vel a fine spe-

ciali ipsius Congregationis.

27. Ne nomen seu t i tulus Religionis iam consti tutae usurpent novae

Congregationes, iam cautum est in canone 492 § 3. Ut igitur huic

dispositioni satisfiat, debent novae religiosae Congregationes aliquid

saltem titulo iam approbatarum addere, quo distinctio inter singulas

satis appareat .

28. Cavendum insuper, ne tituli religiosarum Congregationum vel

nimis artificiose compositi sint, vel quampiam devotionis speciem, a

Sancta Sede Apostolica non probatam, expr imant au t innuant .

DECRETUM

Sanctissimus Dnus Noster Benedictus divina Providentia P P . XV,

in audientia concessa die 6 marti i 1921 R. P. D. Secretario Sacrae Con-

gregationis de Religiosis, audito suffragio Eminent iss imorum ac Reve-