318 Acta Apostolicae Sedis - Commentarium Officiale

inclaruerat, post eius obitum ac funus, in. dies vividior apud omnes facta

est. Nil propterea mirum si Venerabilis Famulae Dei Paulae Frassinetti

causa a rec. mem. Decessore Nostro Pio Papa X digna habita fuerit, quae

Sacrae Rituum Congregationi cognoscenda committeretur; ita ut anno mil-

lesimo nongentesimo sexto ipse Pontifex manu propria die xxi Augusti

Commissionem causae signaret. Inquisitionibus itaque iudicialibus in

Famulae Dei vitam resque gestas ad iuris normam expletis, ceterisque

omnibus rite absolutis Nos cum mox etiam super Venerabilis Servae virtu-

tibus disceptari coeptum sit, soHemni decreto decimo octavo Kalendas

Septembris, anni millesimi nongentesimi vicesimi octavi edito, Venerabilis

Dei Famulae Paulae Frassinetti virtutes heroicum attigisse fastigium

sancivimus. Agitata dein quaestione de duobus miraculis, quae a Deo

patrata ferebantur per eiusdem Venerabilis intercessionem, post duas

Congregationes, antepraepatoriam scilicet et praeparatoriam, nec non aliam

generalem Congregationem, quae coram Nobis die prima Aprilis, hoc ipso

anno, habita est, rebus omnibus acerrimo iudicio investigatis, Nosmetipsi

die sexta Aprilis anno volvente millesimo nongentesimo trigesimo propo-

sita miracula constare soHemniter declaravimus, ulteriusque proinde in

casu procedi posse. Cum igitur esset de virtutum heroicitate ac de miracu-

lis prolatum iudicium, illud tantum supererai discutiendum, num Venera-

bilis Ancilla Dei inter Beatos caelites tuto foret recensenda. Hoc dubium

propositum est a dilecto filio Nostro Alexandro Sanctae Romanae Ecclesiae

Cardinali Verde, Causae relatore, in Comitiis generalibus coram Nobis

habitis die nona ac vicesima mensis Aprilis vertentis anni, omnesque qui

aderant, tam Cardinales quam Sacrorum Rituum Consultores, unanimi

consensione affirmative responderunt. Nos autem in tanti momenti re

Nostram aperire mentem distulimus donec enixis precibus a Patre lumi-

num subsidium posceremus. Quod cum impense fecissemus, tandem die

quarta Maii huiusmet anni, scilicet, Dominica secunda post Pascha, Bono

Pastori recolendo consecrata, Eucharistico Sacro rite litato, adstantibus

dilectis filiis Nostris Camillo Sanctae Romanae Ecclesiae Cardinali Lau-

renti, qui Sacrorum Rituum Congregationi praepositus est, atque Alexan-

dro Verde, Causae relatore, nec non dilectis filiis Alphonso Carinci, Congre-

gationis Rituum Secretario, et Carolo Salotti, Sanctae Fidei Promotore

generali, auctoritate Nostra pronunciavimus tuto procedi posse ad sollem-

nem Venerabilis Dei Famulae Paulae Frassinetti beatificationem. Quae

cum ita sint, universae religiosae familiae Sororum a Sancta Dorothea

ab eadem fundatae vota implentes, Apostolica Nostra auctoritate, praesen-

tium Litterarum tenore, facultatem facimus ut Venerabilis Dei Famula

Paula Frassinetti, ipsius Congregationis Fundatrix, Beatae nomine in poste-