318. De s. Quirino.

1 a. Quam beati, qui vocati
Uniuntur trinitati
Fruendo suaviter!

1 b. O fruitio iucunda,

Quam sanctorum sitibunda
Mens requirit iugiter !

2 a. Te Quirinus praegustavit
Et gustando conculcavit
Carnem, mundum, daemo-
nem.

2 b. Vota, preces, blandimenta
Spernit, spirat ad tormenta,
Gaudens fudit sanguinem.

3 a. Instant vani
Ac profani,

Stat miles intrepidus,

3 b. Fide rectus,
Spe erectus,

Caritate fervidus.

4 a. Eia, martyr, spe coronae
Brevi perfer in agone
Tormentorum genera.

4 b. Linguam, pedes atque manus
Praecidi Aurelianus
Mente iubet effera.

5 a. Sic cruoris rivuli
Martyris eximii

Binas stolas purpurant;

5 b. Una caeli civibus,
Altera mortalibus
Virtutibus fulgurant.

6 a. Caput eius detruucari

Praeses mandat atque dari
Membra sacra canibus:

6 b. Res miranda, canes cedunt,
Venerantur neque laedunt
Morsu vel attractibus.

7 a. Martyr Christi, o Quirine,
Maiestati nos divinae
Clementer consocia,

7 b. Ut nos sua visione
Et dulci fruitione
Satiet in gloria.