Sermo IV .

Unus autem ex illis, ut vidit, quia mundatus est, regressus est, cum magna voce magnificant Deum, et cecidit in faciem ante pedes eius, gra -tias agens, Lucae decimo septimo .

In verbis his tria nota spiritualiter, quae faciunt nos tendere ad nostrum Principium originale, Dominum

Iesum, scilicet excellentia virtutis, intelligentia veritatis et affluentia devotionis. Primum nota in vivifica vita, secundam in recognita gratia, tertium in humili pietate sive theosebia.

Circa totum nota, quod tunc est anima una sive homo unus, quando totaliter tendit in Deum, in se ipsum et in proximum.

Quod ut fiat, converti debet et tendere per unitatem virtutis primo in Deum secundum triformem gradum virtutis: tendere enim debet in Deum et uniri: per fidei unitatem; Isaiae quinquagesimo primo : Unum vocavi eum et benedixi ei et multiplicaui eum: unum, id est ad unum radium veritatis aeternae.

Per confidentiae sublimitatem: Psalmus: Onam petii a Domino, hanc requiram: Lucae decimo: Porro unum est necessarium.

Per amoris caritatem: Canticorum sexto : Una est columba mea, perfecta mea etc.; Ioannis decimo septimo: Ut sint consummati in unum etc.

Secundo anima tendit in se ipsum tripliciter, scilicet per humilitatem simplicem sive profundam, ut scilicet anima intret in suam centralitatem et videat suos defectus et paupertatem et sic concipiat spiritum timoris: Psalmus : Respice in me et miserere mihi, quia unicus et pauper sum ego.

Per virilitatem strenuam, ut scilicet agat et prosequatur exempla perfecta et ardua: Ecclesiastae septimo: Virum de mille unum reperi etc. - Per longanimitatem plenam, ut scilicet perseveret in bono et perferat omnia: primae ad Corinthios nono: Unus accipit bravium.

Tertio tendit anima per unitatem in proximum, quod fit, quando ad ipsum ordinatur et vivificatur: in sensu id ipsum sentiendo: Actuum quarto : Multitudinis credentium erat cor unum et anima una.

In affectu id ipsum volendo; ad Ephesios quarto: Solliciti, servare unitatem spiritus m vinculo pacis.

In convictu id ipsum agendo: Psalmus: Ecce, quam bonum et quam iucundum habitare fratres in unum.