320 DECRETUM

(1) Decretum hoc prostat Yol. Xl pag. 401 harum ephemeridum.

Orator Episcopus ad mentem revocans decretum s. Congreg. Indulgentiarum diei 15 Novembris 1878 ( l ) q u o constitutum fuit, Cruces stationum ligneas esse debere; dum illae quae habentur in Urbe Romans sunt ferreae aut lapideae; et quoniam omnis im- mutatio admirationem aut scandalum gignere posset inter fideles; ideo Sanctitatem Vestram exorat, ut concedere dignetur, cruces praedictas permanere posse quales nunc sunt, quin tamen Chri- stifideles detrimentum patiantur quoad Indulgentias concessas pro pio Viae-Crucis exercitio; eodemque tempore exposcit ut , longi itineris gratia per loca, certo non commoda, pium Viae- Crucis exercitium expleri possit cum aliqua interruptione.

DECRETUM . SSmus in, audientia habita die 18 Septembris 1880 ab infrascripto Secretario, benigne respondit: tolerandum Cruces remanere posse ferreas et lapideas pro acquisitione In- dulgentiarum Viae-Crucis ; praeterea quoad expetitam interru- ptionem, Sanctitas Sua remisit preces arbitrio et prudentiae Epi- scopi Oratoris, cum facultatibus necessariis et opportunis , ea tantum lege, ne interruptio nimis longa evadat. Praesenti in perpetuum valituro absque contrariis.

Datum 18 Septembris 1880

F R . TH. M A . CARD. MARTINELLI

P. Delicati Secretarius

VOTUM CONSULTORIS. Consultor rogatus, ut quoad Episcopi

preces, quod sentiret exponeret, sequentes emisit observationes :

1. Iam anno 1732 de hisce stationibus Viae-Crucis in op- pido Romans existentibus in S. C. Indulg. actum est. Etiam tunc Ordinarius loci a [testatus est, non solum fideles loci, sed etiam circumvicinos frequenter exercitium Viae-Crucis peragere, et propter longum iter et tot stationes, tantum spatio trium circa horarum illud absolvere, unde ad augendam fidelium devo- tionem supplicavit, ut pro hoc exercitio certis diebus Indul- gentia plenaria concederetur.