320 APPENDIX III.

S. C. de Prop. Fide - C. P. pro Sin. 31 Ian. 1796 - Vic. Ap. Sutchuen.

Quoad Missae auditionem.

An fideles teneantur sacrificio Missae assistere diebus Dominicis et festis, in quibus vacare possunt operibus servilibus.

R. Affirmative, ex responso S. Off. die 13 Iulii 1769 et S. Cong. Prop. 13 Ian. 1794.

Verum cum ea sit certarum regionum asperitas et solitudo, ut ad loca, in quibus sacra celebrantur, nonnisi via longa et saepe deterrima ex dissitis aliis locis perveniri queat, atque ideo vel ipso itinere con- ficiendo vix satis temporis reliqui esset ad obeunda opera servilia quae permittitur, consulendum SSmo pro venia Vicariis Apostolicis facienda dispensandi nomine S. Sedis per seipsos aliosve subdelegatos ab obli- gatione audiendae Missae diebus festis, quibus opera servilia permit- tuntur, cum id, spectato regionum situ et incolarum necessitatibus ex- pedire in Domino videbitur. - Sanctitas Sua dignata est benigne annuere.

... Circa festa, Confessionem et Communionem dubitandi ratio est, quia maxima christianorum pars laborare debet, ut victum lucretur, et saepe coguntur christiani ab infidelibus Praefectis, festis diebus, subire varios labores. Ipsi Praefecti christiani tribunalia frequentare debent etiam diebus qui apud nos festi sunt, sub poena privationis officii. Missionarii sunt pauci numero, Regnum est vastissimum ; ideo quamplures chri- stiani Missam audire diebus festis, confiteri semel in anno et commu- nicare non possunt.

R. Sacra Congregatio, iuxla ea quae superius proposita sunt, cen- suit, ius positivum ecclesiasticum, quoad ieiunia, observationem festo- rum, sacramentalem Confessionem et Communionem semel in anno, esse a missionariis sinensibus christianis notificandum, ut obligatorium sub peccato mortali ; posse tamen simul explicare causas propter quas ex- cusatur fideles ab observatione praeceptorum. Si SSmo placuerit, posse concedi missionariis facultatem dispensandi in casibus particularibus tan- tum, eorum arbitrio. - SSmus approbavit.