Acta Pii PP. XI 321

Illud vero püssimum Iesus Infantis simulacrum, vertente saeculo decimo

septimo, in sua domo Pragensi primum Oarmelitae venerati sunt; at exeunte

decimo octavo saeculo, ob nefariam domorum ecclesiarumque regularium

suppressionem, Carmelitis e Bohemia pulsis, cultus etiam prodigiosae par-

vae statuae e Bohenliae finibus ad alias nationes transiit, atque in eas-

dem adeo est dilatatus, ut brevi in Bavaria, in Belgio, in Gallia, in Italia,

et, extra quoque Europam, in longinquis usque Americarum, Asiae et Afri-

cae terris, cuiuscumque ordinis fideles ad Pragensem Infantem recurrant,

illius in egestatibus suis auxilium implorent, illumque sacellis ecclesiisque

ubique honorent. Splendidum est autem inter aedificia Pragensi Puero

Iesu sacra templum illud, quod Carmelitae Excalceati exaedificandum

curarunt in civitate Arenzano, intra Liguriae fines, et quod nuper exple-

tum venerabilis frater Episcopus titulo Sinopensis sollemniter consecravit.

Arenzani enim Carmelitae Excalceati iam ab anno MDCCCLXXXVII I novum

Ordinis sui coenobium erexerant, cui continens erat parvum sacellum, in

quo Pragensis Infantis simulacrum publicae christifidelium venerationi

proponebatur. Parvam statuam, mox gratiis prodigiisque insignem omnes

Liguriae incolae noscunt, qui peregrinantium more ad Arenzani sacellum

conferunt, ut a divino Puero precibus et obsecrationibus opem exposcant.

At illuc non modo ex tota Liguria et ex finitimis regionibus sed ex ceteris

quoque Italiae procul positis civitatibus fideles peregre pieque veniunt, qui

dein, beneficiorum grati memoresque, ad digniorem atque ampliorem Puero

Iesu sedem erigendam, ob acceptas gratias, largiter continenterque obla-

tiones confluunt. Tantis itaque fidelium votis respondentes, anno tandem

M D C O C C i v Carmelitae lapidem fundamenti novi aedificii Sacro Puero Pra-

gensi dicati demittendunì curarunt ; ac tam rapide postea crevit aedificium

ut vix quattuor post annos in exstructo templo Sacrum sollemniter peragi

potuerit. Hanc novam sacram aedem eleganti forma conspicuam, mirificis

artis operibus mirabilem, eximiis religionis signis ornatam, frequentissimi

fidèles ad hunc usque diem visitant lustrantque; in eiusdem enim altari

principe stat super solium sacra Infantis Pragensis effigies, quam anno

MDCCCCXXiv die x x i v Februarii, aureo gemmatoque diademate per decre-

tum Patriarchalis Sacrosanctae Basilicae Vaticanae Capituli, dilectus filius

Noster Raphael Sanctae Romanae Ecclesiae Cardinalis Merry del Val,

ipsius Capituli Archipresbyter, sollemni ritu, adstantibus generali Ordinis

Carmelitarum Excalceatorunl Moderatore, et populo conf ertissimo, corona-

vit. Cum propterea dilectus filius Gulielmus a Sancto Alberto, Praepositus

generalis Carmelitarum Excalceatorum, una cum Priore coenobii Arenzani

ac sodalibus definitorii Ordinis, quo figuris sanctuarii Pragensi Puero di-

cati decus maxime augeatur, suffragante quoque Ianuensium Archiepiscopo,