A P P E N D I X III.

S. C. S. Officii 30 Ian. 1765 - Miss. Hu-Guang. Quoad dispensationem a ieiunio.

Necessarium videtur, ut christiani earum Missionum dispensentur a carnium abstinentia pro die ultima exeuntis anni sinici atque etiam pro duabus primis novi anni subsequentis, posito quod huiusmodi dies in- cidant in Quadragesimam, vel sextam feriam, vel sabbatum ; pro qua dispensatione obtinenda has afferunt rationes, nempe, quod praedictae dies solemniores sunt apud Sinas, quod iis recurrentibus non magis facile est abstinere a carnibus quam apud nos feria III. ante diem Ci- nerum, et quod si christiani soli, tanto infidelium numero immixti, ab esu carnium abstineant, magnum sibi odium ac molestiam sint com- paratur!.

R. Negative, et detur decretum anni 1760 (1).

S. C. S. Officii 12 Iulii 1770 - Vic. Ap. Fokien.

De dispensatione Sinensium a ieiunio.

Cum sequenti anno secunda dies lunae primae sinensis incidat in diem Cineris, ortum est dubium inter istos Patres Missionarios, et ab ipsis interrogatus s u m : An sinenses illo die teneantur ieiunare et a carnibus abstinere? Cum autem videam in kalendario perpetuo, facto et characteribus sinensibus impressioni mandato a missionariis antiquis, hanc notam : Quod si prima luna sinensis inciderit intra Quadrage- simam, non obligantur sinenses a carnibus abstinere, nec ieiunare ul-

tima die ultimae lunae et duabus primae lunae, infero hanc consuetu- dinem esse in hoc imperio approbatam et publicatam a missionariis antiquis ; quod quidem kalendarium multi sinenses prae manibus ha- bent, üt sciant qualibet die de quo Sancto celebrat S. Mater Ecclesia. Non ausus sum contra hanc consuetudinem respondere, pro sequentibus annis supplico ut S. C. dignetur respondere, an reprobanda et eradi- canda sit talis consuetudo vel toleranda ; et si reprobanda est, dignetur ad nos mittere reprobationis decretum.

R. Dentur decreta alias edita, et scribatur Vicariis Apostolicis utrius- que Tunkini, necnon Vicario Apostolico Fokiensi, ut incumbant execu- tioni eorumdem decretorum, et certiorem reddant S. C. an in eadem executione procuranda proficiant. Curent praeterea ut a kalendario de- leatur nota quae in eo legitur, videlicet primis tribus diebus novi anni dispensatos esse Christifideles ab abstinentia a carnibus, si iidem dies in Quadragesimam incidant.

(1) Adest pag. 322.

Acta, Tom. XXVIII, fase. OCCXXX. 21