322 SAGIEN.

ex eo quod, si, adimendo partem s. Martini, pro parocho s. Germani incerta stolae, et pro fabriceria oblationes aut locationes sedium aliquantulum imminuentur; compensatio ferme aequivalens eisdem eveniret per adiunctionem regio- nis du Croissant.

Verum, si quid damni reapse contingere veteri paroeciae S iudicetur, idemque haud pati debere actualis ecclesiae rector censeatur, praesto est Episcopus, qui suis litteris ita sole- mniter S. C. C. fatetur : « Promitto spondeoque rectori* s. Germani argentinensis compensationem aequalem damni quod passurus est ex dismembratione suae parochiae. » Sed hanc compositionem parochus reiecit, edicens quod in -quo- cumque casu perniciosa semper dismembratio haec foret. De cetero iuxta plures non damnum sed lucrum reportabit ecclesia s. Germani, si, dum ei adimitur regio s. Martini, regio du Croissant adiungatur.

Punctum difficultatis potius occurrit circa media, quibus nova paroecia erigatur: fabrica enim et parochus s. Ger- mani ea prorsus deficere edisserunt. Verum cum, ipsis ad- versariis fatentibus , computata quidem gubernii pensione 900 libellarum, novi parochi congrua attingere possit 1600 libellas, eadem, quidquid in contrarium dicatur, iuxta Epi- scopum, sinon pinguis certe saltem sufficiens esset dicenda. Quin excipi valeat gubernium congruam haud concessurum: affirmat enim Episcopus , non processurum ad erectionem paroeciae s. Martini argentomensis, antequam huic erectioni accesserit Gubernii consensus cum stipulatione dotationis ordinariae.

Pariter videtur fabrica s. Martini ad cultus expensas sustinendas fore quidem valitura : nam populus Ecclesiam s. Martini circumstans non ita pauper est, ut adversa pars dicit et ita liberalem se praebuit omnibus in adiunctis ut brevi tempore varia. utensilia pro Ecclesia acquisita fuerunt per eiusdem oblationes.

Et reapse id veritati consonum videtur, quia omnes Vi- carii, de quibus supra dictum est, in laudanda hac libera-