322 APPENDIX III.

S. C. S. Officii II Ianuar. 1888 - Ep. Vizagapatamen.

Dubium quoad auditionem Missae a Neophytis.

Cum magna sit repugnantia feminarum superiorum tribuum (caste) comparendi coram europaeis, vel sub eodem tecto commorandi cum personis inferiorum tribuum, quo fit ut neophytae nostrae saepe aut graviter irrideantur, aut etiam a recipiendo baptismo avertantur : quae- ritur utrum Episcopus eas nihilominus excitare debeat, quemadmodum adhuc fecit, ut assidue divinis officiis adsint: an debeat potius petere a S. C. ut eas interim ab hac adsistentia dispenset.

R. Neophytas huiusmodi monendas esse de praecepto ecclesiastico circa auditionem Sacri ceteraque hominis christiani officia fideliter adim- plenda, ita tamen ut, circa modum adimplendi, morum et institutorum gentis prudens ratio habeatur.

S. C. S. Officii 28 Febr. 1760 - Vic. Ap. Tunk. Occid. et Provinc. Tunk. Orient. Quoad ieiunium.

In Regno Tunkini, antiqua ab omni retro memoria, traditio est privilegium his neophytis ab Apostolica Sede pro tribus primis anni novi diebus, in quamcumque diem, sive abstinentiae, sive ieiunii incide- rint, fuisse concessum, ut carnibus vesci possent, ne caderent in offensam eorum quos his diebus reverentiae aut urbanitatis gratia, visitare tenen- tur, si oblatis cibis uti recusarent. Huius quidem concessionis nullum nunc in hac Missione transumptum reperitur, sed immemorialis posses- sio tituli sufficientis locum tenere videtur.... Humillime recurrimus ad S. Cong. supplicantes edoceri an revera extet supradictum privilegium hisce neophytis pro tribus primis anni novi diebus a S. Sede conces- sum ; casu vero quo non extet, enixissime supplicamus pro impetra- tione talis privilegii, ad vitandum periculum violandi praecepti eccle- siastici, cui ineluctabiliter exponuntur christiani in toto hoc Regno, exceptis forte aliquot pagis qui, Deo miserante, toti fidem christianam sunt amplexati.

R. Privilegium (de quo quaeritur) non extare, nec esse generaliter concedendum; sed quoad abstinentiam a carnibus servandum esse de- cretum anni 1663 oratoribus prout iacet transmittendum ; quo vero ad ieiunium citra abstinentiam a carnibus, teneri neophytos, si primi dies anni annamitici inciderint in feriam sextam, vel aliam diem qua nullo privilegio apostolico a ieiunii lege eximuntur.