322 Ex S. C. Episcoporum et Regularium

possidere ius benedicendi aquam baptismalem pro omnibus Vicariae paroeciis etiam regularibus, necnon iisdem distri- buendi Olea sacra ab Episcopo quotannis benedicta. Funda- mentum autem huius inveteratae consuetudinis reponit, praeter quam in matricitate, in praeeminentia propriae paroeciae prae aliis. Sane in ea tantum peraguntur omnes functiones sic dictae generales, uti sunt ex. gr. Processiones Rogationum, quibus omnes civitatis parochi convenire solent; item ad Gloria in Sabbato Sancto tintinnabula solum in parochia S. Petri pulsantur; cuius parocho, absente Episcopo, pertinet etiam ius coronandi B. M. Virginem SSrfii Rosarii, quamvis functio in alia ecclesia perficiatur, etc.

Addit insuper duplicem praefatum morem fuisse firmatum atque sancitum a pluribus Decretis Episcoporum S. Visita- tionem peragendum, quemadmodum liquet ex relationibus SS. Visitationum a. 1 5 8 8 , 1743 et 1 8 2 8 , cuius postremae verba haec sunt: « In eodem Baptisterio per D. Praepositum Sabbato Sancto cuiuslibet anni iuxta Ecclesiae ritum fit sole- mnis benedictio Fontis privative ad alios Parochos huius civi- tatis et Vicariae, qui omnes huiusmodi benedictioni non assi- stunt, sed ab immemorabili ad hoc Baptisterium accedunt pro aqua accipienda baptismali, una cum Sanctis Oleis ad usum suarum paroeciarum.... ».

Item observat quod, facta dismembratione paroeciae loci Narzole ab illa S. Petri, transactio inita fuit, ab H. S. C. die 9 Decembris 1833 approbata, vi cuius Rector ecclesiae filialis tenebatur una simul cum aliis parochis territorii Che- rasci accedere ad Praeposituram S. Petri pro accipienda aqua baptismali et Oleis Sacris Sabbato Sancto vel die successivo. Demum concludit nihil obstare Decisionem S. C. Rituum in una Utinen., 13 Ianuarii 1899 n. 4005, quae etiam ecclesiis filialibus recognoscit ius benedicendi aquam baptismalem ; quum in casu praesenti, praeter matricitatem, militet contraria consuetudo legitime praescripta.