323

MOTUPROPRIO SSmi D. N. Leonis XIII: de commissione pontificia ad reconciliationem

dissidentium cum Ecclesia fovendam.

Optatissimae in una fide reconciliationis earum gentium, quae a romana Ecclesia matre non uno tempore, nec una de causa secesserunt, nova quodammodo Nos ponere initia et plena caritatis admovere invitamenta, iam inde ab apostolica epistola Praeclara, studiose contendimus. - Ad rem quidem eam su- mus aggressi, quae, ut alias monuimus, diuturni sit laboriosique operis, eademque utilitatis non ita proxime eventurae. At vero, praeter summam divinae opis fiduciam, qua maxime sustenta- ntur, optima quaeque sunt Nobis adiumenta in id quaesita; in primisque visum est pro gravitate et amplitudine causae op- portunum, aliquot ex Dilectis Filiis Nostris S. R. E. Cardinalibus in communionem consiliorum adsciscere. Tales reapse institu- tas apud Nos congressiones, principio ad rationes ecclesiarum orientalium spectare voluimus; placuitque propterea advocare et audire praesentes Venerabiles quoque Fratres, earumdem nationum vario ritu Patriarchas. Ita factum feliciter, ut quaedam rerum capita sint a Nobis, edita haud multo ante constitutione Orientalium dignitas ecclesiarum, definita et decreta: quae, tametsi per se ad veterem catholicorum legitimam per Orientem disciplinam conservandam tuendamque propius pertinent, ae- que tamen unitati aliis in gentibus redintegrandae posse con- ducere manifestum est. - Iamvero hunc Nos primum reputan- tes initarum congressionum fructum, eisque continuandis probe intelligentes quantum praesidii ad ceteras etiam propositorum partes iure liceat expectari, idcirco induximus animum illud providere, ut huiusmodi institutum certiore quodam pacto cer- taque constantia, quamdiu ipsa postulaverit res, permaneat vi- geatque secundum vota perutile.

Itaque sententiam Nostram litteris hisce tradentes, peculiare esse ac stabile Consilium, sive, uti loquuntur, Commissionem decernimus atque edicimus, proprio munere et cura deditam reconciliationi dissidentium fovendae. Ea constabit ex nonnullis S. R. E. Cardinalibus, quos Pontifex nominatim designet, quibus