322. De s. Sigfrido Vexoniensi.

1 a. Confessorum flos coronae,
Confessoris, Iesu bone,
Suscipe sollemnia,

1b. Cum Sigfridi recensentur,
Ut condigne praedicentur,
Operum insignia.

2 a. Ab occasu vespertinum
Sidus, formans matutinum,
Profert auctor saeculi;

2 b. Cuius virtus dilatatur,

Iubar crescit, lumen datur
In salutem populi.

3 a. Verbo pugnat fortiter
Bona fundens largiter
Summae bonitatis ;

3 b. Gentis damnat idola,
Reprobantur frivola
Cultus vanitatis.

4 a. Novus ortus legislator,
Verus fidei zelator,
Praedicator fervidus,

4 b. Vitae confert alimenta,
Vivi pandens documenta,
Demonstrator lucidus.

5 a. Tuba clamat Gedeonis

Vulpes exterrens Samsonis
Arcet verbi faculis ;

5 b. Damna calcans nil expavit
Propter fidem, quam planta-
vit,
Se tradens periculis.

6 a. O lumen ecclesiae,
Vox caelestis gratiae,
Praesul aequitatis,

6 b. Cuius ex industria
Consors gaudet Suecia
Facta veritatis.

7 a. Velut Esdras, scriba legis,
Instaurare summi regis
Templa curat venia,

7 b. Sol refulgens hic in templo,
Qui virtutum sub exemplo
Tot dat beneficia.

8 a. Sic dum orat, ut pandantur,
Signo, mersa revelantur
Propinquorum capita.

8 b. Caeci vident, muti fantur,
Signa signis innovantur
Per Sigfridi merita.

9 a. In cuius nunc insignia
Digna [laeti] praeconia
Modulemur,

9 b. Ut per eius suffragia
In caelesti laetitia
Gloriemur.

10 b. Salve, gemma confessorum,
Vitae via, decus morum,
Doctor apostolice;

10 b. Nos in regno claritatis
Expurgatos a peccatis
Collocari perfice.